പത്തനംതിട്ടയില് ഭര്ത്താവിനെ കൊലപ്പെടുത്തിയെന്ന് കള്ള മൊഴി നല്കി അറസ്റ്റിലായ ഭാര്യ അഫ്സാന ജാമ്യത്തിൽ ഇറങ്ങി. അട്ടകുളങ്ങര ജയിലിൽ നിന്നാണ് പുറത്തിറങ്ങിയത്. കലഞ്ഞൂര് സ്വദേശി നൗഷാദിനെ കൊലപ്പെടുത്തി കുഴിച്ചു മൂടിയെന്നായിരുന്നു അഫ്സാന നൽകിയ മൊഴി.
എന്നാൽ നൗഷാദിനെ ജീവനോടെ കണ്ടെത്തുകയായിരുന്നു. പ്രതികരിക്കാൻ ഇല്ലെന്നു അഫ്സാന പുറത്തിറങ്ങിയതിന് ശേഷംവ്യക്തമാക്കി. നൗഷാദിനെ കൊന്നെന്ന അഫ്സാനയുടെ മൊഴി കളവ് എന്ന് തെളിഞ്ഞതിന് പിന്നാലെ ഇന്നലെയാണ് കോടതി ജാമ്യം അനുവദിച്ചത്.
ഒന്നര വര്ഷം മുന്പ് കാണാതായ നൗഷാദിനെ കൊന്ന കുഴിച്ചുമൂടി എന്നായിരുന്നു അഫ്സാന പൊലീസിന് നല്കിയ മൊഴി. ഇതിനിടെ നൗഷാദിനെ ഇടുക്കി തൊമ്മന്കുത്തില്നിന്ന് കണ്ടെത്തുകയായിരുന്നു. അഫ്സാനയ്ക്ക് എതിരെ എടുത്ത കേസില് പൊലീസ് കോടതിയില് റിപ്പോര്ട്ട് നല്കും. എന്നാല് കബളിപ്പിച്ചു എന്ന കേസുമായി മുന്നോട്ടു പോകാനാണ് പൊലീസ് തീരുമാനം.
English Summary: Noushad missing case; Wife Afsana released from prison
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.