മധ്യപ്രദേശില് കോണ്ഗ്രസിന് കനത്ത തിരിച്ചടി. ഇന്ഡോറിലെ കോണ്ഗ്രസ് സ്ഥാനാര്ത്ഥി അക്ഷയ് കാന്തി ബാം നാമനിര്ദ്ദേശ പത്രിക പിന്വലിച്ച് ബിജെപിയില് ചേര്ന്നു. മെയ് 13ന് ഇന്ഡോര് മണ്ഡലത്തില് നാലാം ഘട്ട വോട്ടെടുപ്പ് നടക്കാനിരിക്കെയാണ് ഈ കുറുമാറ്റം.അക്ഷയ് ബാമിനെ ക്ഷണിച്ചുകൊണ്ട് ബി.ജെ.പി നേതാക്കള് ട്വീറ്റ് പങ്കുവെച്ചതിന് പിന്നാലെയാണ് കോണ്ഗ്രസ് സ്ഥാനാര്ത്ഥി പത്രിക പിന്വലിച്ചത്.
ബിജെപി എംഎല്എ രമേശ് മെന്ഡോളയ്ക്കൊപ്പമാണ് അക്ഷയ് ബാം പത്രിക പിന്വലിക്കാനെത്തിയത്. ബിജെപി നേതാവും മധ്യപ്രദേശ് മന്ത്രിയുമായ കൈലാഷ് വിജയവര്ഗീയ എക്സില് അക്ഷയ്ന്റെ ഫോട്ടോ പങ്കുവെക്കുകയും പാര്ട്ടിയിലേക്ക് സ്വാഗതം ചെയ്യുകയും ചെയ്തിരുന്നു. അപ്രതീക്ഷിതമായ ഈ കൂറുമാറ്റം മധ്യപ്രദേശ് കോണ്ഗ്രസിന് വെല്ലുവിളി ഉയര്ത്തിയിരിക്കുകയാണ്.കഴിഞ്ഞ ദിവസം നാമനിര്ദേശ പത്രിക തള്ളിയതിന് പിന്നാലെ സൂറത്തിലെ കോണ്ഗ്രസ് സ്ഥാനാര്ത്ഥിയായിരുന്ന നിലേഷ് കുംഭാനി ബിജെപിയില് ചേര്ന്നുവെന്ന് റിപ്പോര്ട്ട് ചെയ്യപ്പെട്ടിരുന്നു.
അതിനെ തുടര്ന്ന് ആറ് വര്ഷത്തേക്ക് നിലേഷ് കുംഭാനിയെ പാര്ട്ടിയില് നിന്ന് ആറ് വര്ഷത്തേക്ക് കോണ്ഗ്രസ് സസ്പെന്ഡ് ചെയ്തു.പത്രിക തള്ളിയതിന് പിന്നില് ഒന്നുകില് അശ്രദ്ധയോ അല്ലെങ്കില് ബി.ജെ.പിയുമായുള്ള ബന്ധമോ ഉണ്ടെന്ന് ചൂണ്ടിക്കാട്ടിയായിരുന്നു നടപടി. നാമനിര്ദേശ പത്രിക തള്ളിയതിനെ തുടര്ന്ന് അച്ചടക്ക സമിതിക്ക് മുമ്പാകെ നിലേഷ് കുംഭാനിയുടെ വാദം അവതരിപ്പിക്കാന് മതിയായ സമയം നേതൃത്വം നല്കിയിരുന്നു.എന്നാല് പാര്ട്ടിക്ക് വിശദീകരണം നല്കാതെ അപ്രത്യക്ഷമായതാണ് നിലേഷിനെ ആറ് വര്ഷത്തേക്ക് സസ്പെന്ഡ് ചെയ്യാനുള്ള തീരുമാനത്തിലേക്ക് നയിച്ചതെന്ന് കോണ്ഗ്രസ് വ്യക്തമാക്കിയിരുന്നു.
English Summary:
After Surat, the Congress candidate in Indore also withdrew his papers and joined the BJP
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.