അഹമ്മദാബാദില് തകര്ന്നുവീണ വിമാനത്തിൻറെ ബ്ലാക്ക് ബോക്സും ഡിജിറ്റല് ഡാറ്റ റെക്കോര്ഡറും കണ്ടെത്തിയെന്ന് വ്യോമയാന മന്ത്രാലയം സ്ഥിരീകരിച്ചു. ഡോക്ടര്മാരുടെ ഹോസ്റ്റലിന് മുകളില് നിന്നാണ് ബ്ലാക് ബോക്സ് കണ്ടെത്തിയത്. എയര്ക്രാഫ്റ്റ് ആക്സിഡന്റ് ഇന്വെസ്റ്റിഗേഷന് ബ്യൂറോ സംഘമാണ് ബ്ലാക് ബോക്സ് കണ്ടെത്തിയത്. അതേസമയം, പൈലറ്റുമാരുടെ സംഭാഷണം അടങ്ങുന്ന കോക്പിറ്റ് വോയിസ് റെക്കോര്ഡറിനായുള്ള തെരച്ചില് തുടരുകയാണ്.
അപകടത്തെക്കുറിച്ച് കൂടുതല് അന്വേഷണം ആരംഭിച്ചിട്ടുണ്ട്. അപകടത്തിന്റെ കാരണം കണ്ടെത്തെത്താന് സാധ്യമായതെല്ലാം ചെയ്യുമെന്ന് വ്യോമയാന മന്ത്രി റാംമോഹന് നായിഡു വ്യക്തമാക്കി. ഉന്നത തല വിദഗ്ധ സമിതിയേയും അന്വേഷണത്തിനായി നിയോഗിക്കുമെന്ന് റിപ്പോര്ട്ടുകള് സൂചിപ്പിക്കുന്നു. വ്യോമയാന സുരക്ഷ ശക്തമാക്കാനുള്ള നിര്ദ്ദേശങ്ങള് സമിതി സര്ക്കാരിന് നല്കും. അമേരിക്കയുടെ അന്വേഷണ സംഘങ്ങളായ നാഷണല് ട്രാന്സ്പോര്ട്ടേഷന് സേഫ്റ്റി ബോര്ഡും, ഫെഡറല് ഏവിയേഷന് അഡമിനിസ്ട്രേഷനും അന്വേഷണവുമായി സഹകരിക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.