എഞ്ചിനിൽ തീപിടുത്ത മുന്നറിയിപ്പ് ലഭിച്ചതിനെത്തുടർന്ന് ഇൻഡോറിലേക്ക് പോകുകയായിരുന്ന എയർഇന്ത്യ വിമാനം ഡൽഹിയിൽ അടിയന്തരമായി ലാൻഡ് ചെയ്തതായി വൃത്തങ്ങൾ അറിയിച്ചു.
എ320 നിയോ വിമാനത്തിൻറെ ഒരു എഞ്ചിൻ ഓഫ് ചെയ്യുകയും വിമാനം സുരക്ഷിതമായി ഡൽഹി വിമാനത്താവളത്തിൽ ലാൻഡ് ചെയ്യുകയും ചെയ്തതായി എയർഇന്ത്യ പ്രസ്താവനയിലൂടെ അറിയിച്ചു.
രാവിലെ 6.15ഓടെ അടിയന്തര ലാൻഡിംഗ് നടത്തിയ വിമാനത്തിൽ ഏകദേശം 90ഓളം ആളുകൾ ഉണ്ടായിരുന്നതായി വൃത്തങ്ങൾ പറയുന്നു.
വിമാനം പരിശോധനക്കായി പിടിച്ചിട്ടിരിക്കുകയാണ്. യാത്രക്കാരെ സുരക്ഷിതമായി മറ്റൊരു വിമാനത്തിലേക്ക് മാറ്റി. സംഭവത്തെക്കുറിച്ച് എയർ സേഫ്റ്റി റെഗുലേറ്റർ ഡയറക്ടറേറ്റ് ജനറൽ ഓഫ് സിവിൽ ഏവിയേഷനെ അറിയിച്ചിട്ടുണ്ടെന്ന് എയർലൈൻ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.