നിശ്ചയദാർഢ്യത്തിന്റെ കരുത്തുമായി കഠിന പ്രയത്നത്തിലൂടെ അഖില ബുഹാരി നേടിയത് തിളക്കമാർന്ന വിജയം. താളിക്കുഴി എന്ന കൊച്ചുഗ്രാമത്തിന്റെ പേര് വാനോളമുയർത്തി നാടിന്റെ അഭിമാനതാരമായിരിക്കുകയാണ് ഇരുപത്തിയേഴുകാരിയായ അഖില ബുഹാരി. ഇന്ത്യൻ സിവിൽ സർവീസ് പരീക്ഷയിൽ 760-ാം റാങ്ക് കരസ്ഥമാക്കിയാണ് അഖില നാടിന്റെ താരമായത്.
വാമനപുരം താളിക്കുഴി ബി എസ് നിവാസിൽ ബുഹാരി-സജിന ദമ്പതികളുടെ രണ്ടാമത്തെ മകളാണ് അഖില ബുഹാരി. 2000 സെപ്റ്റംബർ 11ന് ഉണ്ടായ ഒരു വാഹനാപകടത്തിൽ അഖിലയുടെ വലതു കൈ പൂർണമായി നഷ്ടപ്പെടുകയായിരുന്നു. അന്ന് അഞ്ചര വയസ് പ്രായമുണ്ടായിരുന്ന അഖിലയുടെ നിശ്ചയദാർഢ്യമാണ് വിധിക്കെതിരെ പടപൊരുതി സിവിൽ സർവീസ് കരസ്ഥമാക്കാൻ കഴിഞ്ഞത്. രണ്ട് തവണയും ഇന്റര്വ്യു വരെ എത്തിയെങ്കിലും മൂന്നാമത്തെ അവസരത്തിലാണ് സെലക്ഷൻ ലഭിച്ചത്. പിതാവ് ബുഹാരി തിരുവനന്തപുരം കോട്ടൺഹിൽ എൽപിഎസിലെ പ്രഥമ അധ്യാപകനായി ഒരു വർഷം മുൻപ് വിരമിച്ചു. എകെഎസ്ടിയു മുൻ സംസ്ഥാന സെക്രട്ടറിയും ഇപ്പോൾ സിപിഐ വെഞ്ഞാറമൂട് മണ്ഡലം സെക്രട്ടേറിയറ്റംഗവുമാണ്. ആമിന, അബി അലി, ആയിഷ എന്നിവർ സഹോദരങ്ങളാണ്.
English Summary;Akhila Buhari through determination
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.