ആകാശവാണി തിരുവനന്തപുരം നിലയത്തിന്റെ 75-ാം വാർഷികാഘോഷങ്ങളുടെ ഭാഗമായി കേരളപാണിനി അക്ഷരശ്ലോകസമിതിയുമായി ചേർന്ന് ശനിയാഴ്ച മാവേലിക്കര എആർസ്മാരകത്തിൽ ലോക വനിതാദിനം ആചരിക്കും. രാവിലെ പത്തിനു ചേരുന്ന അക്ഷരശ്ലോക സമ്മേളനം കേരളപാണിനി അക്ഷരശ്ലോകസമിതി സ്ഥാപകാംഗം കുറത്തികാട് പ്രഭാകരൻ ഉദ്ഘാടനം ചെയ്യും.
11‑ന് കുട്ടികളുടെയും ഉച്ചയ്ക്ക് 12‑നു മുതിർന്നവരുടെയും അക്ഷരശ്ലോകസദസ്സ്, രണ്ടിനു കഥയരങ്ങ്, കവിയരങ്ങ്. വൈകീട്ട് നാലിനു ചേരുന്ന പൊതുസമ്മേളനം ആകാശവാണി തിരുവനന്തപുരം നിലയം ഡെപ്യൂട്ടി ഡയറക്ടർ വി ശിവകുമാർ ഉദ്ഘാടനം ചെയ്യും. കേരളപാണിനി അക്ഷരശ്ലോകസമിതി പ്രസിഡന്റ് വി ജെ രാജമോഹൻ അധ്യക്ഷനാകും. സംസ്ഥാന വനിതാ കമ്മിഷൻ മുൻ അംഗം ഡോ ജെ. പ്രമീളാദേവി ‘അക്ഷരങ്ങളിലുയരുന്ന പെൺകരുത്ത്’ എന്ന വിഷയത്തിൽ പ്രഭാഷണം നടത്തും. 5.30‑നു നാടൻപാട്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.