ഡൽഹിയിൽ ധർണ നടത്തുന്ന ഗുസ്തിക്കാരുടെ എല്ലാ ആവശ്യങ്ങളും അംഗീകരിച്ചുവെന്നും പക്ഷപാതരഹിതമായ അന്വേഷണം പൂർത്തിയാക്കാൻ പൊലീസിനെ അനുവദിക്കണമെന്നും കേന്ദ്ര കായിക മന്ത്രി അനുരാഗ് താക്കൂർ.
“സമരം ചെയ്യുന്നവരുടെ ആവശ്യങ്ങൾ എന്തായിരുന്നാലും നിറവേറ്റും. കോടതിയും നിർദ്ദേശം നൽകിയിട്ടുണ്ട്, പക്ഷപാതരഹിതമായ അന്വേഷണം പൂർത്തിയാക്കാൻ ഡല്‍ഹി പൊലിസിനെ അനുവദിക്കണം,” ഠാക്കൂർ ലഖ്‌നൗവിൽ മാധ്യമപ്രവർത്തകരോട് പറഞ്ഞു.
റെസ്‌ലിംഗ് ഫെഡറേഷൻ ഓഫ് ഇന്ത്യ (ഡബ്ല്യുഎഫ്‌ഐ) മേധാവി ബ്രിജ് ഭൂഷൺ ശരൺ സിങ്ങിനെതിരായ ലൈംഗികാതിക്രമ ആരോപണങ്ങൾ അന്വേഷിക്കാൻ രൂപീകരിച്ച സമിതിയുടെ കണ്ടെത്തലുകൾ പരസ്യമാക്കണമെന്ന് ആവശ്യപ്പെട്ട് നിരവധി ഗുസ്തിക്കാർ ഏപ്രിൽ 23 മുതൽ ദേശീയ തലസ്ഥാനത്തെ ജന്തർ മന്തറിൽ പ്രതിഷേധിക്കുകയാണ്.
പ്രായപൂർത്തിയാകാത്ത ഒരു പെൺകുട്ടി ഉൾപ്പെടെ ഏഴ് വനിതാ ഗുസ്തിക്കാരെ ലൈംഗികമായി പീഡിപ്പിച്ചുവെന്നാണ് യുപിയിലെ കൈസർഗഞ്ച് സീറ്റിൽ നിന്നുള്ള ബിജെപി എംപി ബ്രിജ് ഭൂഷൺ ശരൺ സിങ്ങിനെതിയുള്ള ആരോപണം.
English Summary: All the needs of wrestlers will be met; Let the police complete the investigation: Anurag Thakur
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.