നെടുങ്കണ്ടം
October 11, 2023 7:30 pm
രോഗിയുമായി പോയ ആംബുലൻസ് കുമളി മൂന്നാർ സംസ്ഥാനപാതയിൽ പുറ്റടിക്ക് സമീപം അപകടത്തിൽപ്പെട്ടു. തെറ്റായ ദിശയിൽ എതിരെ എത്തിയ വാഹനത്തിൽ ഇടിക്കാതിരിക്കാൻ വെട്ടിച്ചു മാറ്റിയതാണ് അപകടത്തിന് കാരണം. ഇന്ന് ഉച്ച യോടെ പുറ്റടി ചേമ്പുംകണ്ടത്താണ് അപകടം നടന്നത്.
നെടുങ്കണ്ടത്ത് നിന്നും രോഗിയുമായി കോട്ടയം മെഡിക്കൽ കോളജിലേക്ക് പോവുകയായിരുന്ന ആംബുലൻസാണ് അപകടത്തില്പ്പെട്ടത്. എതിരെ മറ്റൊരു വാഹനത്തെ മറികടന്ന് തെറ്റായ ദിശയിൽ എത്തിയ വാഹനത്തിൽ ഇടിക്കാതിരിക്കാൻ വെട്ടിച്ച് മാറ്റുകയും പാതയോരത്ത് ഇട്ടിരുന്ന വൈദ്യുതി പോസ്റ്റിൽ ഇടിച്ചു കയറുകയും ആയിരുന്നു. വാഹനത്തിൽ ഉണ്ടായിരുന്നവർ നിസാര പരിക്കുകളാേടെ രക്ഷപെട്ടു. അപകടത്തെ തുടർന്ന് ആംബുലൻസിന് കേടുപാടുകൾ സംഭവിച്ചു. ആംബുലൻസിൽ ഉണ്ടായിരുന്ന രോഗിയെ പുറ്റടി ഗവർമെൻറ് ആശുപത്രിയിൽ എത്തിക്കുകയും തുടർന്ന് മറ്റൊരു ആംബുലൻസില് കോട്ടയം മെഡിക്കൽ കോളേജിലേക്ക് മാറ്റി. സംഭവത്തിൽ വണ്ടൻമേട് പൊലീസ് കേസെടുത്തു.
English Summary: ambulance accident in Nedumkandam
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.