തീയണക്കാൻ പാഞ്ഞ ഫയര്‍ എൻജിനും മൃതദേഹവുമായി പോയ ആംബുലൻസും കൂട്ടിയിടിച്ചു: ആംബുലൻസ് ഡ്രൈവര്‍ മ രിച്ചു

ദേശീയ പാതയിൽ കണ്ണൂർ ധർമ്മടത്ത് അഗ്നി രക്ഷാ സേനയുടെ ഫയർ എൻജിനും ആംബുലൻസും കൂട്ടിയിടിച്ച് ആംബുലൻസ് ഡ്രൈവർ മരിച്ചു. 

ഏഴോം കൊട്ടില സ്വദേശി മിഥുൻ ആണ് മരിച്ചത്. ആംബുലൻസിലുണ്ടായിരുന്ന മൂന്നു പേരെ പരിക്കുകളോടെ തലശ്ശേരി സഹകരണ ആസ്പത്രിയിൽ പ്രവേശിപ്പിച്ചു. ഇന്നലെ രാത്രി 11 മണിയോടെയാണ് സംഭവം.

തീയണക്കാൻ പോകുകയായിരുന്ന തലശ്ശേരി അഗ്നിരക്ഷാസേനയുടെ വാഹനവും പരിയാരത്തുനിന്ന് മൃതദേഹവുമായി വരികയായിരുന്ന ആംബുലൻസുമാണ് കൂട്ടിയിടിച്ചത്.