പുന്നപ്ര വടക്ക് പഞ്ചായത്ത് എട്ടാം വാർഡിൽ പാടത്ത് വലയിടാൻ പോയ ഗൃഹനാഥനെ മരിച്ച നിലയിൽ കണ്ടെത്തി. കളത്തൂർ വീട്ടിൽ കെ ജെ ജെയിംസ് (67) ആണ് മരിച്ചത്. വീടിന് സമീപത്തെ ഇളയാടൻതുരുത്ത് പാടത്ത് മീൻ പിടിക്കാൻ വലയുമായി വ്യാഴം വൈകിട്ട് അഞ്ചോടെയാണ് ജെയിംസ് വീട്ടിൽ നിന്നിറങ്ങിയത്.
ഏറെനേരം കഴിഞ്ഞും മടങ്ങിയെത്താത്തതിനെത്തുടർന്ന് ബന്ധുക്കളും നാട്ടുകാരും പൊലീസും ആലപ്പുഴയിൽനിന്നെത്തിയ അഗ്നിരക്ഷാസേനാംഗങ്ങളും ചേർന്ന് നടത്തിയ തെരച്ചിലിൽ രാത്രി 8.45 ഓടെയാണ് പാടത്ത് മൃതദേഹം കണ്ടെത്തിയത്. മൃതദേഹം വണ്ടാനം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. ഉൾനാടൻ മത്സ്യത്തൊഴിലാളിയായിരുന്നു ജയിംസ്. ഭാര്യ: ആൻസമ്മ. മക്കൾ: നീതു, നീന. മരുമക്കൾ: ബിനു, ഷിനോയ്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.