അമേരിക്കയിൽ വീണ്ടും വെടിവയ്പ്പ്; മൂന്ന് പേർ കൊല്ലപ്പെട്ടു

അമേരിക്കയിലെ ഇൻഡിയാനയിലെ ഷോപ്പിംഗ് മാളിൽ വെടിവയ്പ്പ്. മൂന്ന് പേർ കൊല്ലപ്പെട്ടതായാണ് റിപ്പോര്‍ട്ടുകള്‍ പുറത്തുവരുന്നത്. ഗ്രീൻവുഡ് പാർക്ക് മാളിൽ വെടിവയ്പ്പ് നടന്ന വിവരം ഇൻഡിയാന ഗ്രീൻവുഡ് മേയർ മാർക്ക് മിയറാണ് പ്രസ്താവനയിലൂടെ പുറത്തുവിട്ടത്.

ആയുധ ധാരിയായ വ്യക്തിയാണ് വെടിവയ്പ്പ് നടത്തിയതെന്നും മിയർ വ്യക്തമാക്കി. അക്രമിയെ കുറിച്ച് വിവരം നൽകാൻ ദൃക്സാക്ഷികളോട് പൊലീസ് നിര്‍ദ്ദേശം നല്‍കിയിട്ടുണ്ട്.

അമേരിക്കയിൽ തുടർച്ചയായി വെടിവയ്പ്പും കൊലപാതകങ്ങളും നടക്കുന്നുണ്ട്. പ്രതിവർഷം മാത്രം 40, 000 പേരാണ് അമേരിക്കയിൽ വെടിവയ്പ്പിൽ കൊല്ലപ്പെടുന്നതെന്ന് ഗൺ വയലൻസ് ആർക്കൈവ് റിപ്പോർട്ടിൽ വ്യക്തമാക്കുന്നു.

Eng­lish summary;Another shoot­ing in Amer­i­ca; Three peo­ple were killed

You may also like this video;