കേരള സര്‍വകലാശാലയിലെ വൈസ് ചാൻസലർ നിയമനത്തിനുള്ള സെര്‍ച്ച് കമ്മിറ്റിയുടെ കാലാവധി ഗവര്‍ണര്‍ വീണ്ടും മൂന്നുമാസത്തേക്ക് നീട്ടി. സര്‍വകലാശാല ആക്ട് അനുസരിച്ച് ഒരുതവണ രൂപീകരിച്ച സെര്‍ച്ച് കമ്മിറ്റി പുനഃസംഘടിപ്പിക്കാന്‍ കഴിയില്ലെന്നിരിക്കെയാണ് രണ്ടാമതും കാലാവധി നീട്ടിനല്‍കുന്നത്. ഓഗസ്റ്റ് അഞ്ചിന് രൂപീകരിച്ച സെർച്ച് കമ്മിറ്റിയുടെ കാലാവധി ഗവർണർ മൂന്ന് മാസം കൂടി നീട്ടിയിരുന്നു. നീട്ടി നല്‍കിയ കാലാവധി ഇന്നലെ തീര്‍ന്ന സാഹചര്യത്തിലാണ് രാജ്ഭവൻ വിജ്ഞാപനമിറക്കിയത്.
യുജിസിയുടെയും ചാൻസലറുടെയും മാത്രം പ്രതിനിധികളെ ഉള്‍പ്പെടുത്തി രൂപീകരിച്ചതാണ് ഇപ്പോഴത്തെ സെര്‍ച്ച് കമ്മിറ്റി.
ഇത് നിയമവിരുദ്ധമാണെന്നും പുതിയ സെര്‍ച്ച് കമ്മിറ്റി രൂപീകരിക്കണമെന്നുമായിരുന്നു കേരള സര്‍വകലാശാല സെനറ്റ് ആവശ്യപ്പെട്ടത്.
കേരള സര്‍വകലാശാലയിലെ വി സി നിയമനത്തിനുള്ള സെര്‍ച്ച് കമ്മിറ്റിയിലേക്ക് സെനറ്റ് നോമിനിയെ നിര്‍ദേശിക്കണമെന്ന സിംഗിൾ ബെഞ്ചിന്റെ ഉത്തരവ് ഡിവിഷൻ ബെഞ്ച് സ്റ്റേ ചെയ്തിരുന്നു. കോടതിയുടെ പരിഗണനയിലിരിക്കുന്ന വിഷയത്തിലാണ് ഇപ്പോള്‍ വീണ്ടും ഗവര്‍ണറുടെ ഇടപെടല്‍.
English Summary;Appointment of VC; The term of the search committee has been extended for three months
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.