ട്രെയിനില് സീറ്റിനെ ചൊല്ലിയുണ്ടായ തര്ക്കത്തില് യുവാവ് മര്ദനമേറ്റ് മരിച്ചു. ഉത്തര്പ്രദേശിലാണ് സംഭവം. മന്ദരികന് സ്വദേശി തൗഹിദ്(24) ആണ് മരിച്ചത്. ആക്രമണത്തില് തൗഹിദിന്റെ സഹോദരങ്ങളായ താലിബ്(20),തൗസിഫ്(27) എന്നിവര്ക്ക് ഗുരുതരമായി പരിക്കേറ്റു.
ജമ്മുവില് നിന്ന് വാരാണസിയിലേക്ക് പുറപ്പെട്ട ബെഗംപുര എക്സ്പ്രസിലാണ് സീറ്റിനെച്ചൊല്ലിയുണ്ടായ തര്ക്കം അക്രമത്തില് കലാശിച്ചത്. സംഭവത്തില് ഗൗതംപൂര് സ്വദേശികളായ പ്രതികളെ അറസ്റ്റ് ചെയ്തതായി പൊലീസ് അറിയിച്ചു.
മദേരികനില് താമസിക്കുന്ന 24 കാരനായ തൗഹിദ് അംബാലയില് നിന്ന് വീട്ടിലേക്ക് മടങ്ങുമ്പോള് സുല്ത്താന്പൂര് ജില്ലയിലെ ഗൗതംപൂര് ഗ്രാമത്തിലെ യുവാക്കളുമായി സീറ്റിനെ ചൊല്ലി തര്ക്കമുണ്ടായത്. അക്രമി സംഘം കത്തിയും ഇരുമ്പ് വടിയും ഉപയോഗിച്ച് തൗഹിദിനെ മാരകമായി പരിക്കേല്പ്പിക്കുകയായിരുന്നു പൊലീസ് പറഞ്ഞു.
ആക്രമണം തൗഹിദ് വീട്ടില് അറിയിച്ചതിനെ തുടര്ന്ന് സഹോദരന്മാരായ താലിബ, തൗസിഫ് എന്നിവര് നിഹാല്ഗഡ് റെയില്വേ സ്റ്റേഷനില് എത്തുകയും തുടര്ന്ന് ഇരുവരെയും സംഘം അക്രമിക്കുകയായിരുന്നുവെന്ന് പൊലീസ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.