പാകിസ്ഥാനെതിരെ നടത്തിയ ഓപ്പറേഷന് സിന്ദൂര് സൈനിക നടപടി സംബന്ധിച്ച സേനാ മേധാവിമാര് സര്വസൈന്യാധിപ കൂടിയായ ഇന്ത്യന് പ്രസിഡന്റ് ദ്രൗപതി മൂര്മുവിനെ കണ്ട് വിശദീകരിച്ചു. സംയുക്ത സേനാ മേധാവി ജനറല് അനില് ചൗഹാന് , കരസേന മേധാവി ജനറല് ഉപേന്ദ്ര ദ്വിവേദി, എയര് ചീഫ് മാര്ഷല് എ പി സിങ്, നാവിക സേ മേധാവി അഡ്മിറള് ദിനേശ് കെ ത്രിപാഠി എന്നിവരാണ് രാഷ്ട്രപതി ഭവനിലെത്തി സൈനിക നടപടിയെക്കുറിച്ച് വിശദീകരിച്ചത്.
ഭീകരതയ്ക്കെതിരായ ഇന്ത്യയുടെ നടപടിയെ അതിശയകരമായ വിജയമാക്കി മാറ്റിയ സായുധ സേനകളുടെ ധീരതയെയും സമര്പ്പണത്തെയും രാഷ്ട്രപതി അഭിനന്ദിച്ചു. നേരത്തെ പ്രധാനമന്ത്രി രാഷ്ട്രപതിയെ സന്ദര്ശിച്ച് പാകിസ്ഥാനെതിരായ സൈനിക നടപടിയുടെ വിശദാംശങ്ങള് ധരിപ്പിച്ചിരുന്നു.പഹല്ഗാം ഭീകരാക്രമണത്തിന് തിരിച്ചടിയായി,
ഓപ്പറേഷന് സിന്ദൂര് എന്ന പേരില് പാകിസ്ഥാന്റെ ഒമ്പത് ഭീകരകേന്ദ്രങ്ങളാണ് ഇന്ത്യന് സൈന്യം തകര്ത്തത്. നൂറിലേറെ ഭീകരരെവധിച്ചതായും സൈന്യം വ്യക്തമാക്കിയിരുന്നു. ഇതുകൂടാതെ, 1960 ല് ഇരു രാജ്യങ്ങളും തമ്മില് ഒപ്പുവച്ച സിന്ധു നദീജല കരാര് ഇന്ത്യ നിര്ത്തിവെക്കുകയും ചെയ്തിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.