പ്രധാനമന്ത്രി നരേന്ദ്രമോഡിയെകുറിച്ച് ശിവസേന മുഖപത്രമായ സാമ്നയില്‍ വന്ന ലേഖനത്തിന്റെ പേരില്‍ പാര്‍ട്ടി നേതാവ് സഞ്ജയ് റാവത്തിനെതിരെ കേസ്. മോഡിക്കെതിരെ ആക്ഷേപകരമായ ലേഖനം എഴുതിയെന്നാരോപിച്ചാണ് രാജ്യദ്രോഹത്തിനും മറ്റ് കുറ്റകൃത്യങ്ങൾക്കും എഫ്‌ഐആർ. ഡിസംബർ 10 ന് സാമ്‌ന പത്രത്തിൽ എഴുതിയ ലേഖനത്തിൽ പ്രധാനമന്ത്രിയെ കുറിച്ച് അഭിപ്രായപ്പെട്ട സഞ്ജയ് റാവത്ത് ലേഖനം എഴുതിയത്.

പ്രധാനമന്ത്രിയും അദ്ദേഹത്തിന്റെ സർക്കാരും പാകിസ്ഥാനിൽ നിന്ന് കുറുക്കുവഴികൾ സ്വീകരിക്കുകയാണെന്നും തിരഞ്ഞെടുപ്പിൽ വിജയിക്കാൻ രാജ്യത്തെ ആക്രമിക്കുക പോലും ചെയ്യുകയാണെന്നും പറഞ്ഞു. പ്രധാനമന്ത്രിക്കെതിരെ സാമ്ന’പത്രത്തിൽ പ്രസ്താവന നടത്തിയതിന് ബിജെപിയുടെ യവത്മാൽ ജില്ലാ കോ-ഓർഡിനേറ്റർ നിതിൻ ഭൂതാഡയാണ് പരാതി നൽകിയത്. തുടർന്ന് സഞ്ജയ് റൗട്ടിനെതിരെ ഐപിസി സെക്ഷൻ 153 എ, 505 ബി, 124 എ (രാജ്യദ്രോഹം) എന്നിവ പ്രകാരം എഫ്‌ഐആർ രജിസ്റ്റർ ചെയ്തു.

സാമ്‌നയിൽ ആക്ഷേപകരമായ എഴുത്ത് എന്നാരോപിച്ച് തനിക്കെതിരെ രജിസ്റ്റർ ചെയ്ത കേസിന്റെ പശ്ചാത്തലത്തിൽ, ശിവസേന എംപി സഞ്ജയ് റാവത്ത് ഇന്ത്യയിലെ രാഷ്ട്രീയക്കാരുടെ ജനാധിപത്യ അവകാശങ്ങളെ ചോദ്യം ചെയ്തു. മുൻ പ്രധാനമന്ത്രി നെഹ്‌റുവിനെക്കുറിച്ച് അമിത് ഷാ അടുത്തിടെ നടത്തിയ പരാമർശങ്ങൾ ഉദ്ധരിച്ച് അമിത്ഷായ്ക്ക് എതിരെ കേസെടുക്കുമോ എന്ന് ചോദിക്കുന്നു.ഈ രാജ്യത്ത് ജനാധിപത്യമുണ്ട്, നിരവധി രാഷ്ട്രീയക്കാർ പ്രസ്താവനകൾ നൽകുന്നു. അവര്‍ക്കൊക്കെ എതിരേ കേസ് രജിസ്റ്റർ ചെയ്താൽ. അടിയന്തരാവസ്ഥയ്‌ക്കെതിരെ പോരാടിയെന്ന് പറയാൻ അവർക്ക് അവകാശമില്ലെന്നും റാവത്ത് അഭിപ്രായപ്പെട്ടു.

English Summary:
Article against PM in Shiv Sena mouthpiece: Case against Sanjay Raut