ബിജെപി നേതാവ് രണ്ജിത് ശ്രീനിവാസന് വധക്കേസില് ശിക്ഷ വിധിച്ച ജഡ്ജിക്ക് വധഭീഷണി നല്കിയ സംഭവത്തില് രണ്ടുപേര് പിടിയില്. ആലപ്പുഴ, തിരുവനന്തപുരം സ്വദേശികളാണ് പിടിയിലായത്. സമൂഹമാധ്യമത്തിലൂടെയാണ് ഭീഷണി സന്ദേശം ലഭിച്ചത്. മാവേലിക്കര അഡീഷണല് ജില്ലാ സെഷന്സ് ജഡ്ജി വി ജി ശ്രീദേവിക്കാണ് ഭീഷണി. രഞ്ജിത്ത് ശ്രീനിവാസന് വധക്കേസില് എസ്ഡിപിഐ- പോപ്പുലര് ഫ്രണ്ട് പ്രവര്ത്തകരായ 15 പേര്ക്ക് വധശിക്ഷ വിധിച്ചത്. ഇതിനു പിന്നാലെയാണ് സമൂഹമാധ്യമത്തിലൂടെ ജഡ്ജിക്ക് നേരെ അധിക്ഷേപവും ഭീഷണിയും ഉയര്ന്നത്.
വധഭീഷണിയുടെ പശ്ചാത്തലത്തില് ജഡ്ജിയുടെ സുരക്ഷ ശക്തമാക്കി. സബ് ഇന്സ്പെക്ടര് ഉള്പ്പെടെ ആറു പൊലീസുകാരെയാണ് ജഡ്ജിയുടെ ഔദ്യോഗിക വസതിയില് കാവല്. ഭാര്യയും അമ്മയും മക്കളും ഉള്പ്പെടെ വീട്ടുകാരുടെ മുന്നിലിട്ടാണ് ക്രൂരമായ കൊലപാതകം നടത്തിയതെന്നും, പ്രതികള് ഒരു ദയയും അര്ഹിക്കുന്നില്ലെന്നും ജഡ്ജി വിധി പ്രസ്താവിച്ചിരുന്നു.
English Summary:Assassination of Ranjith Srinivasan; The judge who pronounced the sentence received death threats, two people were arrested
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.