ഉത്തരാഖണ്ഡിലെ പ്രശസ്ത തീർത്ഥാടന കേന്ദ്രങ്ങളായ ബദ്രിനാഥ്, കേദാർനാഥ് ഉൾപ്പെടെയുള്ള ക്ഷേത്രങ്ങളിൽ അഹിന്ദുക്കൾക്ക് പ്രവേശന വിലക്ക് ഏർപ്പെടുത്തി. ബദ്രിനാഥ്-കേദാർനാഥ് ക്ഷേത്ര കമ്മിറ്റിയാണ് ഇതുസംബന്ധിച്ച ഔദ്യോഗിക പ്രമേയം പുറപ്പെടുവിച്ചത്. ദേവഭൂമിയുടെ മതപരവും സാംസ്കാരികവുമായ പാരമ്പര്യം സംരക്ഷിക്കുന്നതിന്റെ ഭാഗമായാണ് ഈ നടപടിയെന്ന് കമ്മിറ്റി വിശദീകരിച്ചു.
കമ്മിറ്റിയുടെ കീഴിലുള്ള 45 ക്ഷേത്രങ്ങളിലും ഇനി മുതൽ അഹിന്ദുക്കൾക്ക് പ്രവേശനമുണ്ടായിരിക്കില്ലെന്ന് പ്രസിഡന്റ് ഹേമന്ത് ദ്വിവേദി അറിയിച്ചു. ബദ്രിനാഥ്, കേദാർനാഥ് എന്നിവയ്ക്ക് പുറമെ ഗംഗോത്രി, യമുനോത്രി ക്ഷേത്രങ്ങളിലും ഈ നിയന്ത്രണം ബാധകമായിരിക്കും. നിലവിൽ ശീതകാലത്തിനായി അടച്ചിട്ടിരിക്കുന്ന ഈ ക്ഷേത്രങ്ങൾ ഏപ്രിലിൽ വീണ്ടും തുറക്കാനിരിക്കെയാണ് പുതിയ തീരുമാനം.
ശിവരാത്രി ദിനത്തിലായിരിക്കും കേദാർനാഥ് ക്ഷേത്രവുമായി ബന്ധപ്പെട്ട ഔദ്യോഗിക പ്രഖ്യാപനം നടക്കുക. ഏപ്രിൽ 19ന് ഗംഗോത്രി, യമുനോത്രി ക്ഷേത്രങ്ങളും ഏപ്രിൽ 23ന് ബദ്രിനാഥ് ക്ഷേത്രവും ഭക്തർക്കായി തുറന്നുകൊടുക്കും. പാരമ്പര്യമായി ഈ ക്ഷേത്രങ്ങളിൽ അഹിന്ദുക്കൾക്ക് പ്രവേശനമില്ലായിരുന്നുവെന്നും, ആചാരപരമായ ഈ പവിത്രത നിലനിർത്താനാണ് ഇപ്പോൾ കർശന തീരുമാനമെടുത്തതെന്നും കമ്മിറ്റി അംഗങ്ങൾ വ്യക്തമാക്കി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.