അടുത്തകാലത്തായി കണ്ടുവരുന്ന ഒരു പ്രവണതയാണ് പുതിയ തലമുറയിലെ ചില‑യുവാക്കളും,യുവതികളും എന്തെങ്കിലും ചെയത് വാര്‍ത്തകളില്‍ നിറഞ്ഞു നില്‍ക്കാന്‍ നോക്കുന്നത്.

ചിലര്‍ വളെര തെറ്റായ കാര്യങ്ങള്‍ ചെയ്ത് മറ്റുള്ളവരെ ബുദ്ധിമുട്ടിക്കുന്നു. എന്നിട്ട് വാര്‍‍ത്തകളില്‍ ഇടംപിടിക്കുക. തങ്ങള്‍ക്ക് അനുകൂലമായി കുറേ അളുകളെ നിര്‍ത്തുക. ഇപ്പോള്‍ റോഡിലൂടെ സ്ക്കൂട്ടറില്‍ യാത്ര ചെയ്യുമ്പോള്‍ യുവാവും, യുവതിയും കുളിക്കുന്നു. ഇവരുടെ കുളിക്കുന്ന വീഡിയോ സാമൂഹ്യമാധ്യമങ്ങളില്‍ വൈറലായിട്ടുണ്ട്.

സ്ക്കൂട്ടറില്‍ യാത്ര ചെയ്യുമ്പോള്‍ ബക്കറ്റും, മഗ്ഗും ഉപയോഗിച്ചാണ് കുളി നടത്തുന്നത്. മഹാരാഷ്ട്രയിലെ താനെ ജില്ലയിലെ ഉല്ലാസ് നഗറിൽ കഴിഞ്ഞ ദിവസമാണ് സംഭവം. ഇതിന്റെ വീഡിയോ സോഷ്യൽ മീഡിയയിൽ വൈറലായതോടെയാണ് പോലീസ് നടപടി സ്വീകരിച്ചത്. പൊതുജനങ്ങൾക്ക് പ്രശ്‌നമുണ്ടാക്കിയതിന് ഇവര്‍ക്കെതിരെ പോലീസ് കേസെടുത്ത് അന്വേഷണം നടത്തിവരികയാണ്.

തിരക്കേറിയ റോഡിൽ വിചിത്രമായ ചേഷ്ടകൾ നാട്ടുകാരെ ഞെട്ടിച്ചു. ഉചിതമായ നടപടിയെടുക്കാൻ ഉന്നത അധികാരികൾ ലോക്കൽ ട്രാഫിക് പോലീസിന് നിർദ്ദേശം നൽകിയിട്ടുണ്ട്. തിരക്കേറിയ റോഡിൽ ഇത്തരം വിചിത്രമായ കാര്യങ്ങൾ ചെയ്യുന്നത് ജനങ്ങൾക്ക് ബുദ്ധിമുട്ടുണ്ടാക്കുമെന്ന് പലരും അഭിപ്രായപ്പെട്ടു. സംഭവത്തിൽ നാട്ടുകാരും അതൃപ്തി രേഖപ്പെടുത്തി.

ഇവർക്കെതിരെ കർശന നടപടി വേണമെന്ന് ആവശ്യപ്പെട്ടിരിക്കുകയാണ്.വീഡിയോ സാമൂഹ്യ മാധ്യമങ്ങളില്‍ വൈറലായതോടെ വിഷയം മഹാരാഷ്ട്ര ഡിജിപിയുടെ മുന്നിലെത്തി.ഇതേത്തുടർന്നാണ് ഉന്നത ഉദ്യോഗസ്ഥർ സംഭവത്തിൽ ഗൗരവം പ്രകടിപ്പിച്ചത്.

English Summary:
Bathing of the young man and the young woman during the scooter journey; The matter is before the DGP