പ്രേതബാധ ആരോപിച്ച് കര്ണാടകയില് അമ്മയെ മകൻ അടിച്ചുകൊന്നു. 55‑കാരിയായ ഗീതമ്മയാണ് കൊല്ലപ്പെട്ടത്. സംഭവത്തിൽ മകൻ സഞ്ജയ്, പൂജാരികളായ ആശ, അവരുടെ ഭർത്താവ് സന്തോഷ് എന്നിവർക്കെതിരെ പൊലീസ് കേസെടുക്കുകയും മൂന്നുപേരെയും അറസ്റ്റ് ചെയ്യുകയും ചെയ്തു.
അമ്മയുടെ ദേഹത്ത് ബാധകയറിയിട്ടുണ്ടെന്ന് അവകാശപ്പെട്ട് മകൻ സഞ്ജയ്, പൂജ ചെയ്യാന് ആശ എന്ന സ്ത്രീക്ക് അടുത്തേക്ക് അവരെ കൊണ്ടുപോയിരുന്നു. പിന്നീട് ആശയും ഭര്ത്താവ് സന്തോഷും ബാധ ഒഴിപ്പിക്കാനെന്ന പേരില് ഗീതമ്മയുടെ വീട്ടിലെത്തി. തുടര്ന്ന് പൂജ കര്മങ്ങളെന്ന പേരില് മര്ദ്ദനം ആരംഭിക്കുകയായിരുന്നു. ക്യാമറയില് റെക്കോര്ഡ് ചെയ്യപ്പെട്ട ഈ ആക്രമണം രാത്രി 9.30 ഓടെ ആരംഭിച്ച് പുലര്ച്ചെ 1.00 വരെ തുടര്ന്നുവെന്നും പറയപ്പെടുന്നു. തിങ്കളാഴ്ച രാത്രി ശിവമോഗയിലാണ് സംഭവമുണ്ടായത്. നിലത്ത് വലിച്ചിഴക്കുന്നതിന്റെയും തലയിലടക്കം അടിക്കുന്നതിന്റെയും ദൃശ്യങ്ങള് പുറത്ത് വന്നിട്ടുണ്ട്. തുടര്ച്ചയായ മര്ദ്ദനത്തിനൊടുവില് ഗീതമ്മ മരിക്കുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.