വയനാട്ടിലെത്തിയ കാട്ടാന ബേലൂര് മഖ്നയെ മയക്കുവെടി വച്ച് പിടികൂടാനുള്ള ദൗത്യം പ്രതിസന്ധിയില്. ആന കേരളം വിട്ട് കര്ണാടകയുടെ ഉള്വനത്തിലേക്ക് നീങ്ങിയിരിക്കുകയാണ്. ആന കേരളം കടന്ന് നാഗര്ഹോളയിലെത്തിയെന്ന് വനംവകുപ്പ് അധികൃതര് അറിയിച്ചു. കര്ണാടക വനം വകുപ്പ് ഉദ്യോഗസ്ഥര് ആനയെ നിരീക്ഷിക്കുന്നുണ്ടെങ്കിലും വനാതിര്ത്തിയില് നിന്ന് ഒന്നര കിലോമീറ്റര് അകലെയാണ് ആനയുടെ സ്ഥാനം. ആനയിപ്പോള് സഞ്ചരിക്കുന്നത് കര്ണാടക വനത്തിന്റെ കൂടുതല് ഉള്വശത്തേക്കാണ്. ആന കൂടുതല് ആക്രമണകാരിയായി ഉള്വനത്തിലേക്ക് നീങ്ങുകയാണെന്നാണ് ഉദ്യോഗസ്ഥരുടെ നിഗമനം.
ശനിയാഴ്ച വനപാലക സംഘം ബേലൂര് മഖ്നയുടെ പുറകെ നടന്നെങ്കിലും മയക്കുവെടിവയ്ക്കാന് സാധിച്ചില്ല. ദൗത്യത്തിലുണ്ടായിരുന്ന കുങ്കിയാനകളിലൊന്നിനെ ബേലൂര് മഖ്ന ആക്രമിക്കാനും ശ്രമിച്ചു. നോര്ത്ത് വയനാട്, സൗത്ത് വയനാട്, വയനാട് വന്യജീവി സങ്കേതം, നിലമ്പൂര് നോര്ത്ത്, സൗത്ത് മണ്ണാര്ക്കാട്, കോഴിക്കോട് എന്നിവിടങ്ങളില്നിന്നുള്ള ആര്ആര്ടി സംഘങ്ങള് അടക്കമുള്ള 200 ഓളം വനം വകുപ്പ് ജീവനക്കാരാണ് ആനയെ പിടികൂടാനുള്ള ദൗത്യസംഘത്തിലുള്ളത്.
English Summary:Belur Makhna Mission; Leaving Kerala, the elephant moved into the interior forests of Karnataka
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.