ബംഗാള്‍ വെള്ളപ്പൊക്കം മനുഷ്യനിര്‍മ്മിത ദുരന്തമെന്ന് ബംഗാള്‍ മുഖ്യമന്ത്രി മമതാ ബാനര്‍ജി. ജാർഖണ്ഡിലെ അണക്കെട്ടുകളിൽ നിന്ന് വെള്ളം തുറന്നുവിട്ടതിനെത്തുടർന്ന് വൻതോതിൽ നാശനഷ്ടമുണ്ടായ ഹൂഗ്ലിയും ദക്ഷിണ ബംഗാളിലെ മറ്റ് ദുരിതബാധിത പ്രദേശങ്ങളും സന്ദര്‍ശിക്കുകയായിരുന്നു മുഖ്യമന്ത്രി. സാഹചര്യത്തിന് ഉത്തരവാദി ദാമോദർ വാലി കോർപ്പറേഷനാണെന്ന് മമ്ത കുറ്റപ്പെടുത്തി.
ബംഗാളിലെ ഹൗറ, ഹൂഗ്ലി, ബിർഭം, വെസ്റ്റ് മിഡ്‌നാപൂർ, ഈസ്റ്റ് മിഡ്‌നാപൂർ, ജാർഗ്രാം, ബാങ്കുര, പുരുലിയ, വെസ്റ്റ് ബർദ്വാൻ, ഈസ്റ്റ് ബർദ്വാൻ എന്നീ ജില്ലകളെ വെള്ളപ്പൊക്കം സാരമായി ബാധിച്ചിട്ടുണ്ട്. ലക്ഷക്കണക്കിന് ആളുകളെ വെള്ളപ്പൊക്കം ബാധിച്ചിട്ടുണ്ടെന്നും അവർ പറഞ്ഞു. കനത്ത മഴ പെയ്തതിനുപിന്നാലെ ഝാർഖണ്ഡിലെ അണക്കെട്ടുകളില്‍നിന്ന് വെള്ളം തുറന്നുവിട്ടത്. സ്ഥിതിഗതികൾ കൈകാര്യം ചെയ്യാൻ ജില്ലകളിൽ മുതിർന്ന ഉദ്യോഗസ്ഥരെ നിയോഗിച്ചിട്ടുണ്ടെന്നും മുൻകരുതലെടുത്തിട്ടുണ്ടെന്നും മമ്ത ബാനര്‍ജി പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.