ആർക്കും കൗതുകം പകർന്നു കൊണ്ട് ഭരതനാട്യം എന്ന ചിത്രത്തിൻ്റെ പുതിയ പോസ്റ്റർ പുറത്തുവിട്ടിരിക്കുന്നു.
ഗ്രാമീണ ജീവിതത്തിൻ്റെ ലാളിത്യവും, വേഷവിധാനവും ഒക്കെ ആയുള്ള ഒരു കുടുംബത്തിൻ്റെ പശ്ചാത്തലമാണ് ഈ പോസ്റ്ററ്റിലൂടെയും പ്രകടമാകുന്നത്. സൈജു ക്കുറുപ്പ് ‚നന്ദു പൊതുവാൾ അഭിരാം രാധാകൃഷ്ണൻ സ്വാതി ദാസ്പ്രഭു. എന്നിവരാണ് ഈ പോസ്റ്ററ്റിലെ അഭിനേതാക്കൾ. കൃഷ്ണദാസ് മുരളി തിരക്കഥ രചിച്ച് സംവിധാനം ചെയ്യുന്ന ഈ ചിത്രം തികഞ്ഞ ഒരു കുടുംബകഥ പറയുകയാണ്. നർമ്മ മുഹൂർത്തങ്ങളിലൂടെ കാമ്പുള്ള ഒരു കുടുംബകഥ പറയുന്ന ഈ
ചിത്രത്തിൻ്റെ കഥാപുരോഗതിയിൽ അപ്രതീക്ഷിതമായ ചില വഴിത്തിരിവുകളും സമ്മാനിക്കുന്നു. തോമസ് തിരുവല്ലാ, ഫിലിംസ് ഇൻ അസ്സോസ്സിയേഷൻ വിത്ത് സൈജു ക്കുറുപ്പ് എന്റർടൈൻമെൻ്റിൻ്റെ ബാനറിൽ ലിനി മറിയം ഡേവിഡ് ‚അനുപമാ നമ്പ്യാർ എന്നിവരാണ് ഈ ചിത്രം നിർമ്മിക്കുന്നത്.

സൈജു ക്കുറുപ്പ് നായകനായി അഭിനയിക്കുന്ന ഈ ചിത്രത്തിൽ നായ്കുമാർ മുഖ്യമായ ഒരു കഥാപാത്രത്തെ അവതരിപ്പിക്കുന്നു.
കലാരഞ്ജിനി, സോഹൻ സീനു ലാൽ ‚മണികണ്ഠൻ പട്ടാമ്പി, സലിംഹസ്സൻ, ശ്രീജ രവി ‚ദിവ്യാ .എം.നായർ, ശ്രുതി സുരേഷ്, എന്നിവരും പ്രധാന വേഷങ്ങളിലുണ്ട്. ഗാനങ്ങൾ — മനു മഞ്ജിത്ത്. സംഗീതം ‑സാമുവൽ എബി. ഛായാഗ്രഹണം ‑ബബിലുഅജു. എഡിറ്റിംഗ് — ഷഫീഖ്.വി.ബി. കലാസംവിധാനം — ബാബു പിള്ള. മേക്കപ്പ് — കിരൺ രാജ്. കോസ്റ്റും ഡിസൈൻ — സുജിത് മട്ടന്നൂർ. നിശ്ചല ഛായാഗ്രഹണം ‑ജസ്റ്റിൻ ജെയിംസ്. ചീഫ് അസോസിയേറ്റ് ഡയറക്ടർ — സാംസൺ സെബാസ്റ്റ്യൻ. പ്രൊഡക്ഷൻഎക്സിക്യൂട്ടീവ്സ് ‑കല്ലാർ അനിൽ, ജോബി ജോൺ. പ്രൊഡക്ഷൻ കൺട്രോളർ — ജിതേഷ് അഞ്ചുമന. ആഗസ്റ്റ് ഇരുപത്തിമൂന്നിന് ഈ ചിത്രം പ്രദർശനത്തിനെത്തുന്നു.

വാഴൂർ ജോസ്.