ബീഹാര് നിയമസഭതെരഞ്ഞെടുപ്പില് തകര്ന്നടിഞ് കോണ്ഗ്രസ്.ബീഹാറില് 61 സീറ്റില് മത്സരിച്ച കോണ്ഗ്രസ് ഒറ്റഅക്കത്തിലെത്തിയിരിക്കുകയാണ്.ഒരു കാലത്ത് കോണ്ഗ്രസ് ഭരിച്ചിരുന്ന സംസ്ഥാനമാണ് ബീഹാര്.ബീഹാറില് കോണ്ഗ്രസ് ഉയര്ത്തിയ വോട്ട് ചോര്ച്ച ആരോപണങ്ങള് ബീഹാറിലെ ജനങ്ങള് അംഗീകരിച്ചില്ല. രാജ്യത്താകമാനം ഉള്ളതു പോലെ ബീഹറിലും കോണ്ഗ്രസിന്റെ സംഘടനാ ദൗര്ബല്യവും, പ്രാദേശിക നേതൃത്വത്തിന്റെ അഭാവവും ആണ് കാണിക്കുന്നത്.
ബിഹാറിലും കനത്ത പരാജയം ഏറ്റുവാങ്ങിയ കോണ്ഗ്രസ് തെരഞ്ഞെടുപ്പ് ബലാബലത്തില് കൂടുതല് ശോഷിച്ചു.2015ല് മഹാസഖ്യത്തിന്റെ ഭാഗമായി 41ല് സീറ്റില് മത്സരിച്ച കോണ്ഗ്രസ് 27 സീറ്റിലായിരുന്നു ജയിച്ചത്.2000ത്തില് 70 സീറ്റില് മത്സരിച്ചു. ലഭിച്ചതാകട്ടെ 19 സീറ്റ്. ഇക്കുറി 61 സീറ്റിലായിരുന്നു പോരാട്ടം.എന്നാല് മുന് വര്ഷത്തേക്കാള് താഴേക്ക് പോയി. രാഹുല് ഗാന്ധി ഉയര്ത്തിയ വോട്ട് ചോരി ആക്രമണം വോട്ടായി മാറുമെന്ന കണക്കൂകൂട്ടലാണ് കോണ്ഗ്രസിന് പിഴച്ചത്.
ബിഹാറിന്റെ തെരുവുകളിലൂടെ രാഹുല് നടത്തിയ ജന് അധികാര് യാത്രയില് കണ്ട ജനപങ്കാളിത്തത്തിന്റെ തിരയിളക്കമൊന്നും വോട്ടിങ് യന്ത്രത്തില് പ്രതിഫലിച്ചില്ല. യുവാക്കളെ ആകര്ഷിക്കാനുളള സമൂഹമാധ്യമ ക്യാംപെയിനും ഏശിയില്ല. സംഘടനാ സംവിധാനത്തിന്റെ ദൗര്ബല്യവും, കോണ്ഗ്രസിന്റെ ആശയ ദാരിദ്രവുമാണ് പരാജയത്തിന് പ്രധാന കാരണം രാജേഷ് കുമാറെന്ന പിസിസി അധ്യക്ഷന് പ്രവര്ത്തിക്കാനോ അണികളേയും പ്രവര്ത്തകരേയും ആവേശത്തിലാഴ്ത്താനോ കഴിഞ്ഞില്ല. മറ്റ് സംസ്ഥാനങ്ങളില് കോണ്ഗ്രസ് നേരിടുന്ന പ്രദേശിക നേതൃത്വത്തിന്റെ അഭാവവും ബിഹാറിലെ സാധ്യതകള്ക്ക് മങ്ങലേല്പ്പിച്ചു.
നിതീഷ് കുമാറിനും തേജസ്വി യാദവിനൊപ്പം തലയെടുപ്പുള്ള ഒരു നേതാവിനെ പ്രതിഷ്ഠിക്കാനും കോണ്ഗ്രസിനായില്ല. വോട്ടെടുപ്പിന് പിന്നാലെ ബിഹാറിലെ മുതിര്ന്ന നേതാവും മുന് ദേശീയ വക്താവുമായ ഷക്കീല് അഹമ്മദ് പാര്ട്ടി വിട്ടത് കോണ്ഗ്രസിനകത്ത് കാര്യങ്ങള് പന്തിയല്ലെന്ന് വ്യക്തമാക്കുന്നു. ഒരു നേതാവുമായുളള അഭിപ്രായ വ്യത്യാസമാണ് പാര്ട്ടി വിടാന് കാരണമെന്ന് ഷക്കീല് അഹമ്മദ് രാജിക്കത്തില് വ്യക്തമാക്കിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.