ബിഹാർ നിയമസഭാ തെരഞ്ഞെടുപ്പിന്റെ പോസ്റ്റൽ ബാലറ്റിൽ ആദ്യ ഘട്ടത്തിൽ എൻഡിഎ മുന്നിൽ . എൻഡിഎ 52 സീറ്റിലുമാണ് ഇന്ത്യ സഖ്യം 18 സീറ്റിലുമാണ് ലീഡ് ചെയ്യുന്നത് . പ്രശാന്ത് കിഷോറിന്റെ ജൻ സുരാജ് പാർട്ടി 3 സീറ്റിലും മറ്റ് സ്വതന്ത്രർ 3 സീറ്റിലും ലീഡ് ചെയ്യുന്നു.
ബിജെപി, ജെഡിയു, ചിരാഗ് പാസ്വാന്റെ എൽജെപി എന്നിവ ഉൾപ്പെടുന്ന ഭരണ മുന്നണിയായ എൻഡിഎയും ആർജെഡിയും കോൺഗ്രസും ഇടതുപാർട്ടികളും ഉൾപ്പെടുന്ന പ്രതിപക്ഷ സഖ്യമായ മഹാഖഡ്ബന്ധനും തമ്മിലുള്ള മത്സരമാണ് ബിഹാറിൽ നടക്കുന്നത്. പ്രശാന്ത് കിഷോറിന്റെ ജൻ സുരാജ് പാർട്ടി, പുറത്താക്കപ്പെട്ട ആർജെഡി നേതാവ് തേജ് പ്രതാപ് യാദവിന്റെ ജനശക്തി ജനതാദൾ. അസദുദ്ദീൻ ഒവൈസിയുടെ എഐഎംഐഎം തുടങ്ങിയ കക്ഷികളും മത്സര രംഗത്തുണ്ട് . രാവിലെ 8 മുതൽ വോട്ടെണ്ണൽ ആരംഭിച്ചു . 46 കേന്ദ്രങ്ങളിലായാണ് 243 മണ്ഡലങ്ങളിലെ വോട്ടെണ്ണൽ. പത്ത് മണിയോടെ ട്രെൻഡ് വ്യക്തമാകും.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.