പഞ്ഞിപ്പാലത്തിനുസമീപം ഓട്ടോറിക്ഷയും ബൈക്കും കൂട്ടിയിടിച്ചു ബൈക്ക് യാത്രികന് പരിക്ക്. ഇന്നലെ ഉച്ചക്ക് രണ്ടിന് കുലശേഖമംഗലം ടോള്-പഞ്ഞിപ്പാലം റോഡില് ചാണിപ്പാടത്തിന് സമീപമാണ് അപകടം ഉണ്ടായത്. കടകളില് ബേക്കറി പലഹാരങ്ങള് വ്യാപാരം നടത്തിയ ശേഷം ടോള് ഭാഗത്തേക്ക് തിരിച്ചു പോവുകയായിരുന്ന പള്ളിപ്രത്തുശ്ശേരി സ്വദേശിനി ലതിക വേണുഗോപാല് ഓടിച്ചിരുന്ന ഓട്ടോറിക്ഷയും ടോളില് നിന്നും മറവന്തുരുത്ത് ഭാഗത്തേക്ക് വരുകയായിരുന്ന മറവന്തുരുത്ത് പ്രസന്ന സദനത്തില് ചന്ദ്രമോഹനന്റെ ബൈക്കും കൂട്ടിമുട്ടിയാണ് അപകടം സംഭവിച്ചത്. സാരമായി പരുക്കേറ്റ ചന്ദ്രമോഹനനെ (57) മറവന്തുരുത്ത് കുടുംബാരോഗ്യ കേന്ദ്രത്തില് പ്രാഥമിക ചികിത്സ നല്കിയ ശേഷം മുട്ടുചിറയിലെ സ്വകാര്യ ആശുപത്രിയില് പ്രവേശിപ്പിച്ചു. വൈക്കം പോലീസ് പൊലീസ് മേല്നടപടികള് സ്വീകരിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.