കൊല്ലം– തിരുമംഗലം ദേശീയപാതയിലെ നെടുവത്തൂരിൽ ബൈക്കുകൾ കൂട്ടിയിടിച്ച് തീപിടിച്ചുണ്ടായ അപകടത്തിൽ രണ്ടുപേർ മരിച്ചു. എഴുകോൺ അമ്പലത്തുംകാല കാർത്തിക ഭവനിൽ അഭിഷേക്(24) ആണ് മരിച്ചവരിൽ ഒരാൾ. അതേസമയം ഒരാളെ തിരിച്ചറിഞ്ഞില്ല. ഗുരുതരമായി പരിക്കേറ്റ രണ്ടുപേരെ കൊട്ടാരക്കരയിൽ സ്വകാര്യ ആശുപത്രിയിൽ പ്രവേശിപ്പിചച്ചു. നീലേശ്വരം അമ്മുമ്മ മുക്ക് സ്വദേശി ജീവൻ(21), അനൂപ് എന്നിവരാണ് ചികിത്സയിലുള്ളത്.
ഞായർ രാത്രി പത്തരയോടെ നെടുവത്തൂർ താമരശ്ശേരി ജങ്ഷന് സമീപമായിരുന്നു അപകടം. അമിതവേഗതയിൽ എത്തിയ ബൈക്കുകൾ കൂട്ടിയിടിച്ചതിൽ ഒരെണ്ണം കത്തുകയായിരുന്നു. കത്തിയ ബൈക്കിലുണ്ടായിരുന്ന അഭിഷേക് തത്ക്ഷണം വെന്തുമരിക്കുകയായിരുന്നു. മറ്റുള്ളവർക്ക് അപകടത്തിൽ തെറിച്ചു വീണാണ് പരിക്കേറ്റത്. അഭിഷേകിന്റെ മൃതദേഹം അഗ്നിരക്ഷാസേനയെത്തി തീ അണച്ചശേഷമാണ് ആശുപത്രിയിലേക്കു മാറ്റിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.