തട്ടുകടയിലെ ബിരിയാണിയിൽ പുഴുവിനെ കണ്ടെന്നു പറഞ്ഞു പ്രതിഷേധം. ബിരിയാണിയുടെ ചെമ്പ് റോഡിലേക്കു വലിച്ചെറിഞ്ഞു. രാമനാട്ടുകര എയർപോർട്ട് റോഡിൽ കഴിഞ്ഞ ദിവസം വൈകീട്ട് അഞ്ചു മണിക്കാണ് സംഭവം. ഇവിടെ നിന്നും വാങ്ങിയ ബിരിയാണിയിൽ പുഴുവിനെ കണ്ടെന്നു പറഞ്ഞു ബിരിയാണിയടക്കം ഉള്ള ചെമ്പാണ് വാഴയൂർ സ്വദേശിയായ ആൾ റോഡിലേക്ക് വലിച്ചെറിഞ്ഞത്. സംഭവത്തിനു ശേഷം ജനം തടിച്ചുകൂടി രണ്ടു വിഭാഗമായി വാക്കേറ്റം നടത്തി. ഇതു മൂലം എയർപോർട്ട് റോഡിൽ കുറച്ചു. നേരം വാഹന ഗതാഗതവും തടസ്സപ്പെട്ടു.രാമനാട്ടുകര പൊലീസ് എയ്ഡ് പോസ്റ്റിൽ നിന്നും വിവരം അറിയിച്ചതിനെ തുടർന്ന് ഫറോക്ക് പൊലീസും ഹെൽത്ത് ഇൻസ്പെക്ടറും സ്ഥലത്തെത്തിയാണ് പ്രശ്നം പരിഹരിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.