സോഷ്യൽ മീഡിയയിൽ വൈറലായിക്കൊണ്ടിരിക്കുന്ന കർണാടക നിയമസഭാ ബിജെപി സ്ഥാനാർത്ഥി പട്ടിക പാര്‍ട്ടിക്കുള്ളില്‍ പുതിയ പൊട്ടിത്തെറിക്ക് കാരണമാകുന്നു. തമ്മിലടി ഒഴിവാക്കാന്‍ സോഷ്യല്‍ മീഡിയയിലെ സ്ഥാനാര്‍ത്ഥി പട്ടിക വ്യാജമാണെന്ന് വിശദീകരിക്കുകയാണ് ബിജെപി സംസ്ഥാന നേതൃത്വം. വ്യാജ സ്ഥാനാര്‍ത്ഥി പട്ടിക കോൺഗ്രസ് ഫാക്ടറിയിൽ നിർമ്മിച്ച നുണയാണെന്നാണ് ദേശീയ ജനറൽ സെക്രട്ടറിയും കർണാടക ചുമതലയുള്ള അരുൺ സിങ് ആരോപിക്കുന്നത്.
ബിജെപി ഇതുവരെ സ്ഥാനാർത്ഥി പട്ടിക പുറത്തുവിട്ടിട്ടില്ല. എട്ടിന് നടക്കുന്ന പാർലമെന്ററി ബോർഡ് യോഗത്തിന് ശേഷം ആദ്യപട്ടിക പുറത്തിറക്കാനാവു എന്നാണ് നേതൃത്വത്തിന്റെ വിശദീകരണം. ‘സ്ഥാനാർത്ഥികളെ തിരഞ്ഞെടുക്കുന്നതിനുള്ള നടപടികൾ പുരോഗമിക്കുകയാണ്. ഈ പട്ടിക വ്യാജമാണ്’ എന്ന് ബിജെപി സംസ്ഥാന ഘടകം ട്വീറ്റും ചെയ്തു. ബിജെപി ദേശീയ ജനറൽ സെക്രട്ടറിയും ചിക്കമംഗളൂരു എംഎൽഎയുമായ സി ടി രവിയുടെ ട്വീറ്റും സമാന വിശദീകരണവുമായി വന്നു.
അതേസമയം. ചൊവ്വാഴ്ച പാർട്ടി ദേശീയ അധ്യക്ഷൻ ജെ പി നദ്ദയുടെ അധ്യക്ഷതയിൽ ചേർന്ന യോഗത്തിന് ശേഷം ബിജെപിയുടെ കേന്ദ്ര തെരഞ്ഞെടുപ്പ് കമ്മിറ്റിയാണ് 81 മണ്ഡലങ്ങളിലേക്കുള്ള സ്ഥാനാർത്ഥികളുടെ പട്ടിക തയ്യാറാക്കിയത് എന്നാണ് സോഷ്യല്‍ മീഡിയയില്‍ പ്രചരിക്കുന്ന വാര്‍ത്ത. ഇതോടൊപ്പം നാല് പേജുകളിലായി സ്ഥാനാര്‍ത്ഥികളുടെ പേരുവിവരങ്ങളും സോഷ്യൽ മീഡിയയിൽ പ്രചരിക്കുന്നുണ്ട്.
English Sammury: Karnataka BJP clarifies on contestants list which is viral
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.