നബിദിന ആഘോഷങ്ങൾക്കിടെ പാകിസ്ഥാനിൽ ചാവേറുകള്‍ നടത്തിയ ഭീകരാക്രമണത്തില്‍ 52 പേര്‍ കൊല്ലപ്പെട്ടു. 50 പേർക്ക് പരിക്കേറ്റു. ബലൂചിസ്ഥാൻ പ്രവിശ്യയിലെ മസ്തുംഗ് ജില്ലയിൽ ആയിരുന്നു സ്ഫോടനം നടന്നത്. നബി ദിന ആഘോഷങ്ങളുടെ ഭാഗമായി ജില്ലയിലെ മസ്ജിദിന് സമീപം രാവിലെ വിശ്വാസികൾ ഒത്തുകൂടിയിരുന്നു.
ഈ സ്ഥലത്ത് സ്ഥാപിച്ചിരുന്ന സ്‌ഫോടക വസ്തുവാണ് പൊട്ടിത്തെറിച്ചത്. ഇവരിൽ ചിലരുടെ ആരോഗ്യനില ഗുരുതരമാണ്. അതിനാൽ മരണ സംഖ്യ ഇനിയും ഉയരുമെന്നാണ് സൂചന. സ്‌ഫോടനത്തിൽ കൊല്ലപ്പെട്ടവരിൽ ഒരു ഡെപ്യൂട്ടി പൊലീസ് സൂപ്രണ്ടും (ഡിഎസ്പി) ഉൾപ്പെടുന്നു. അതേസമയം ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല. ഈ മാസം മസ്ജിദിൽ ഉണ്ടാകുന്ന രണ്ടാമത്തെ സ്ഫോടനം ആണ് ഇത്. ഈ മാസം ആദ്യവും സമാന സ്ഥലത്ത് ഭീകരാക്രമണം നടന്നിരുന്നു.
English Summary: Blast in Pakistan during Prophet’s Day celebrations: 52 killed
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.