കാനഡയിലെ ടൊറന്റോയിൽ നിന്ന് ഡൽഹിയിലേക്കു വരികയായിരുന്ന എയർ ഇന്ത്യ വിമാനത്തിന് ബോംബ് ഭീഷണി. വിമാനം സുരക്ഷിതമായി ഡൽഹിയിൽ ഇറക്കി. ഇന്നലെ രാവിലെയാണ് ഡൽഹി പൊലീസിന് ഭീഷണി സന്ദേശം ലഭിച്ചത്. വിവരം ഉടൻതന്നെ വിമാന ജീവനക്കാരെ അറിയിച്ചതിനെ തുടർന്ന് സുരക്ഷാ മുൻകരുതലുകൾ സ്വീകരിച്ചു. വൈകുന്നേരം 3.40ന് വിമാനം ഡൽഹിയിൽ ലാൻഡ് ചെയ്ത ശേഷം വിശദമായ പരിശോധന നടത്തിയെങ്കിലും സംശയകരമായി ഒന്നും കണ്ടെത്താൻ കഴിഞ്ഞില്ല. ഡൽഹിയിലെ സ്ഫോടനത്തിനു ശേഷം വിമാനത്താവളങ്ങളിൽ സുരക്ഷ ശക്തമാക്കിയിട്ടുണ്ട്. കഴിഞ്ഞ ദിവസം തിരുവനന്തപുരം, ഡൽഹി അടക്കം അഞ്ച് വിമാനത്താവളങ്ങളിൽ സമാനമായ ബോംബ് ഭീഷണി ഉണ്ടായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.