സ്വന്തം വീട് കുത്തിത്തുറന്ന് സ്വര്ണവും പണവും കവര്ന്ന കേസില് പ്രതി പിടിയില്. വെണ്മണി ഗ്രാമപഞ്ചായത്ത് 9-ാം വാര്ഡില് ബിനോയ് ഭവനത്തില് മിനിയുടെ വീട് കുത്തിത്തുറന്നാണ് വീട്ടില് നിന്നും മാറിത്താമസിച്ചിരുന്ന ഭര്ത്താവ് ബെഞ്ചിമിന് (54) സ്വര്ണവും പണവും കവര്ന്നത്.
കിടപ്പുമുറിയുടെ വാതില് വെട്ടിപ്പൊളിച്ചാണ് അലമാരയില് സൂക്ഷിച്ചിരുന്ന 2 സ്വര്ണമാലകളും ഒരു സ്വര്ണമോതിരവും 5 സ്വര്ണവളകളും ഉള്പ്പെടെ 11 പവന് ആഭരണങ്ങളും അയ്യായിരത്തോളം രൂപയും മോഷ്ടിച്ചത്. രണ്ട് വർഷത്തോളമായി വീട്ടിൽ നിന്നും മാറിത്താമസിച്ചിരുന്ന പ്രതി നാടുവിട്ട് പോകുന്നതിനാണ് ഭാര്യ രാത്രി ജോലിയ്ക്ക് പോയിരുന്ന സമയം പൂട്ടിയിട്ടിരുന്ന വീട് കുത്തിത്തുറന്ന് മോഷണം നടത്തിയത്. കവര്ച്ചയ്ക്ക് ശേഷം പ്രതി തിരുവനന്തപുരം, പന്തളം എന്നിവിടങ്ങളിൽ കഴിഞ്ഞുവരികയായിരുന്നു.
പ്രതി മൊബൈൽ ഫോൺ ഉപയോഗിക്കാതിരുന്നതിനാൽ സംഘംതിരിച്ചുള്ള അന്വേഷണത്തിനൊടുവിലാണ് പിടിയിലാകുന്നത്. ആദ്യം മുതൽ തന്നെ ബെഞ്ചമിനെ പൊലീസിന് സംശയമുണ്ടായിരുന്നു. പന്തളം കെഎസ്ആർടിസി സ്റ്റാന്റിന് സമീപം നിൽക്കുന്നുവെന്ന് വിവരം ലഭിച്ചതിനെ തുടര്ന്ന് ഇയാളെ പിടികൂടി ചോദ്യം ചെയ്യുകയും തുടര്ന്ന് കുറ്റം സമ്മതിക്കുകയുമായിരുന്നു.
English Summary: broke into his own house and stole gold and money; The householder is under arrest
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.