ഇന്ത്യന്‍ പേസര്‍ ജസ്പ്രീത് ബുംറ ലോകത്തിലെ മികച്ച ബൗളറാണെന്ന് ഓസ്ട്രേലിയന്‍ ബാറ്റര്‍ ട്രാവിസ് ഹെഡ്. ബോര്‍ഡര്‍ ഗവാസ്കര്‍ ട്രോഫിയില്‍ ഇന്ത്യക്കെതിരായ രണ്ടാം അങ്കത്തിന് മുമ്പായാണ് ഹെഡ് ബുംറയെ പുകഴ്ത്തിയത്.
‘ഇന്ത്യയുടെ മഹത്തായ താരത്തെ നേരിടാന്‍ ഏറെ ബുദ്ധിമുട്ടിയതായി അഭിമാനത്തോടെ പേരക്കുട്ടികളോട് പറയും. ബുംറയ്‌ക്കെതിരായ എന്റെ സമീപകാല അനുഭവങ്ങൾ ഇന്ത്യൻ ബൗളറെ നേരിടാൻ മാനസികമായി തന്നെ സജ്ജമാക്കി’-ഹെഡ് പറഞ്ഞു. ആദ്യ ടെസ്റ്റില്‍ ജസ്പ്രീത് ബുംറയുടെ ക്യാപ്റ്റന്‍സിയില്‍ ഇന്ത്യ 295 റണ്‍സിന്റെ വിജയം സ്വന്തമാക്കിയിരുന്നു. 72 റണ്‍സ് മാത്രം വിട്ടുകൊടുത്ത് എട്ട് വിക്കറ്റുകളാണ് പെര്‍ത്ത് ടെസ്റ്റില്‍ ബുംറ നേടിയത്.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.