അമേരിക്കയിലെ കാലിഫോർണിയയിൽ വാഹനാപകടത്തിൽ തെലങ്കാന സ്വദേശികളായ രണ്ട് യുവതികൾ കൊല്ലപ്പെട്ടു. പുല്ലാഖണ്ഡം മേഘ്ന റാണി(24), കടിയാല ഭാവന(24) എന്നിവരാണ് മരിച്ചത്. സുഹൃത്തുക്കളോടൊപ്പം വിനോദയാത്ര പോയി മടങ്ങുന്നതിനിടെയായിരുന്നു ദാരുണമായ ഈ അപകടം സംഭവിച്ചത്. തെലങ്കാനയിലെ മഹബൂബാബാദ് ജില്ലയിലുള്ള ഗാർല മണ്ഡൽ സ്വദേശികളാണ് ഇരുവരും. ഉന്നതവിദ്യാഭ്യാസത്തിന് ശേഷം ഉപരിപഠനവും ജോലി അന്വേഷണവുമായി ഇവർ അമേരിക്കയിൽ ഒന്നിച്ചായിരുന്നു താമസം. മേഘ്നയുടെ പിതാവ് നാഗേശ്വര റാവു ഗാർലയിൽ മീ-സേവ കേന്ദ്രം നടത്തിവരികയാണ്. ഭാവനയുടെ പിതാവ് മുൽക്കനൂർ ഗ്രാമത്തിലെ ഡെപ്യൂട്ടി സർപഞ്ചാണ്. ഉറ്റ സുഹൃത്തുക്കളായ ഇരുവരുടെയും അപ്രതീക്ഷിത വിയോഗം നാടിനെയും കുടുംബത്തെയും വലിയ ദുഃഖത്തിലാഴ്ത്തി. അപകടത്തെക്കുറിച്ച് അമേരിക്കൻ പൊലീസ് അന്വേഷണം ആരംഭിച്ചിട്ടുണ്ട്. മൃതദേഹങ്ങൾ നാട്ടിലെത്തിക്കുന്നതിനുള്ള നടപടികൾ കുടുംബാംഗങ്ങൾ തുടങ്ങിക്കഴിഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.