കെപിസിസി പ്രസിഡന്റ് സണ്ണി ജോസഫ് ഉള്പ്പെടെയുള്ള നേതാക്കളെ വേദിയിലിരുത്തി കെപിസിസി രാഷ്ട്രീയകാര്യ സമിതി അംഗം കൂടിയായ പി ജെ കുര്യന് നടത്തിയ വിമര്ശനങ്ങളെ ന്യായീകരിച്ച് പാര്ട്ടി വര്ക്കിംങ് കമ്മിറ്റിയിലെ സ്ഥിരം ക്ഷണിതാവ് കൂടിയായ രമേശ് ചെന്നിത്തില. കുര്യന്റെ വാക്കുകള് മുതിര്ന്ന നേതാവിന്റെ ഉപദേശമായി കണ്ടാല് മതി. അദ്ദേഹം നടത്തിയ പരാമാര്ശങ്ങള് കുറ്റപ്പെടുത്തലല്ല ‚കോണ്ഗ്രസ് കൂടുതല് സജീവമാകേണ്ടതുണ്ട് എന്ന ഓര്മ്മപ്പെടുത്തലാണ്.
സദുദ്ദേശ്യപരമായ വാക്കുകളായാണ് അതിനെ കാണുന്നത്. അദ്ദേഹം പറഞ്ഞ കാര്യങ്ങള് പരിശോധിക്കും. തെറ്റുണ്ടെങ്കില് തിരുത്തും ചെന്നിത്തല പറയുന്നു. യൂത്ത് കോണ്ഗ്രസ് നല്ല രീതിയില് പ്രവര്ത്തിക്കുന്നുണ്ടെന്നും രമേശ് ചെന്നിത്തല ചൂണ്ടിക്കാട്ടി.വിമര്ശനം ഉയര്ത്തിയതിന് പിന്നാലെ പി ജെ കുര്യന് എതിരെ സാമൂഹ്യമാധ്യമങ്ങളില് ഉണ്ടായ സൈബര് ആക്രമണത്തെ കാര്യമാക്കേണ്ടതില്ലെന്നും രമേശ് ചെന്നിത്തല പ്രതികരിച്ചു. താന് ഒരു പോസ്റ്റിട്ടാലും അതിന് താഴെ കൂട്ടത്തോടെ വന്ന് ആക്രമിക്കുന്ന നിലയുണ്ടെന്നും മുന് പ്രതിപക്ഷ നേതാവ് ചൂണ്ടിക്കാട്ടി.
പത്തനംതിട്ടയില് കോണ്ഗ്രസ് സംഘടിപ്പിച്ച പരിപാടിയില് ആയിരുന്നു എസ്എഫ്ഐയെ പുകഴ്ത്തിയും യൂത്ത് കോണ്ഗ്രസ് കോണ്ഗ്രസ് നേതാക്കളെ വിമര്ശിച്ചും പി ജെ കുര്യന് സംസാരിച്ചത്. യൂത്ത് കോണ്ഗ്രസ് സംസ്ഥാന പ്രസിഡന്റ് രാഹുല് മാങ്കൂട്ടത്തില്, കെപിസിസി പ്രസിഡന്റ് സണ്ണി ജോസഫ്, യുഡിഎഫ് കണ്വീനര് അടൂര് പ്രകാശ് എന്നിവരെ വേദിയിലിരുത്തിയായിരുന്നു പി ജെ കുര്യന്റെ പരാമര്ശങ്ങള്. കുര്യനെ വിമര്ശിച്ച് മുതിര്ന്ന നേതാവ് കെ സി ജോസഫ് ഉള്പ്പെടെയുള്ളവര് രംഗത്തു വന്നിരുന്നു
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.