ജമ്മു കശ്മീരിലെ കിഷ്ത്വാറിലെ വനപ്രദേശമായ ചാസ് മേഖലയില് ഞായറാഴ്ചയുണ്ടായ ഏറ്റുമുട്ടലില് നാല് ജവാന്മാര്ക്കു പരിക്കേറ്റു. ജൂനിയര് കമ്മീഷന്ന്ഡ് ഓഫീസര് ഉള്പ്പെടെയുള്ളവര്ക്ക് പരിക്കേറ്റു. ഭീകരരുടെ സാന്നിധ്യം ഉണ്ടെന്ന വിവരത്തിലാണ് ഇന്ത്യന് സൈന്യവും 11 രാഷ്ട്രീയ റൈഫിള്സ് സംഘവുമെത്തിയത്. അതേസമയം പ്രദേശത്ത് ഏറ്റുമുട്ടല് തുടരുന്നുവെന്നാണ് റിപ്പോര്ട്ടുകള്.
ഭീകരര് പ്രദേശത്ത് തുടരുന്നതായാണ് വിവരം. ഡാച്ചിഗാമിനും നിഷാത്തിനും ഇടയിലെ വനമേഖലയില് തിരച്ചിലിനിടെ രാവിലെ ഒന്പതോടെയായിരുന്നു ഏറ്റുമുട്ടല് ആരംഭിച്ചത്. വ്യാഴാഴ്ച രണ്ട് ഡിഫന്സ് ഗാര്ഡുകളെ ഭീകരര് തട്ടിക്കൊണ്ടുപോയി വെടിവെച്ചു കൊലപ്പെടുത്തിയിരുന്നു. ഭീകരര് സുരക്ഷാസേനയുടെ പിടിയിലായതായി കിഷ്ത്വാര് പൊലീസ് സ്ഥിരീകരിച്ചു. കഴിഞ്ഞ കുറച്ചുദിവസങ്ങളിലായി കശ്മീരില് വിവിധ പ്രദേശങ്ങളിലായി ഭീകരരുടെ നുഴഞ്ഞുകയറ്റ ശ്രമങ്ങളുണ്ടാവുന്നുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.