കാലാവസ്ഥാ വ്യതിയാനത്തെതുടര്ന്ന് പനാമ കനാലിലെ ജലനിരപ്പ് താഴ്ന്നു. 82 കിലോമീറ്റര് നീളമുള്ള പാനമ കനാലിലെ ജല നിരപ്പിനെയാണ് വരള്ച്ച സാരമായി ബാധിച്ചതായാണ് റിപ്പോര്ട്ട്. ഒരു വര്ഷത്തേക്ക് കപ്പല് ഗതാഗതത്തിന് നിയന്ത്രണം ഏര്പ്പെടുത്താനാണ് കനാല് അധികൃതരുടെ തീരുമാനം. മഴക്കുറവ് കാരണം പാനമ കനാലിലെ കപ്പല് ഗതാഗതം വലിയ രീതിയിലാണ് തടസപ്പെടുന്നത്.
വെള്ളം കുറവായതിനാല് ഒരു ദിവസം 32 കപ്പലുകള്ക്കേ കടന്നു പോകാന് കഴിയുന്നുള്ളൂ. കപ്പലുകള് കനാല് കടക്കാന് 19 ദിവസം കാത്തിരിക്കേണ്ടി വരുമെന്നാണ് അധികൃതര് വിശദമാക്കുന്നത്. മഴവെള്ളത്തെ ആശ്രയിക്കുന്നതാണ് പാനമ കനാലിലെ ചരക്കുഗതാഗതം. മറ്റ് സമുദ്രപാതകള് കടല് ജലത്തെ ആശ്രയിച്ച് പ്രവര്ത്തിക്കുമ്പോള് പാനമ കനാല് ശുദ്ധജലത്തെയാണ് ആശ്രയിക്കുന്നത്.
2022ല് ദിവസവും 40 കപ്പലുകളാണ് ഇതുവഴി കടന്നു പോയിരുന്നത്. കനാലിലൂടെ കടന്നുപോകാന് ഓരോ വെസലിനും 200 മില്യണ് ലിറ്റര് വെള്ളമാണ് വേണ്ടി വരുന്നത്.
English summary; Climate change: Water levels in the Panama Canal have dropped
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.