ക്രിമിനലുകളെ കേരള പൊലീസില് വച്ചുപൊറുപ്പിക്കില്ല എന്നതാണ് സര്ക്കാര് നയമെന്ന് മുഖ്യമന്ത്രി പിണറായി വിജയന്. മികച്ച ക്രമസമാധാന പാലനശേരി , കുറ്റകൃത്യങ്ങള് കണ്ടെത്തുന്നതിലും തടയുന്നതിലുള്ള മികവ്, ആധുനിക സാങ്കേതിക വിദ്യ ഉപയോഗപ്പെടുത്തി പൊതുജനസേവനം നടത്താനുള്ള പ്രാപ്തി, മയക്കുമരുന്ന് വ്യാപാരം തടയുന്നതിലുള്ള ആര്ജ്ജവം എന്നിവയെല്ലാം ഇന്നത്തെ കേരള പൊലീസിന്റെ പ്രത്യേകതകളാണ്.
ഈ മേഖലയില് പ്രകടമായ മാറ്റം ഇന്ന് കേരള പൊലീസില് ദൃശ്യമാണ് .ജനസൗഹൃദ സേവനം ഉറപ്പാക്കി കേരള പൊലീസ് മുന്നേറുമ്പോഴും ഏതാനും ചില ഉദ്യോഗസ്ഥര് സേനയുടെ വിശ്വാസ്യത കളങ്കപ്പെടുത്തുന്ന പ്രവൃത്തികളില് ഏര്പ്പെടുന്നതായി ശ്രദ്ധയില്പ്പെട്ടിട്ടുണ്ട്. ക്രിമിനല് വാസനകളുള്ള ഇത്തരം ഉദ്യോഗസ്ഥരെ ഘട്ടം ഘട്ടമായി സേനയില് നിന്നും പുറത്താക്കുന്നതിന് ശക്തമായ നടപടികളാണ് സര്ക്കാര് സ്വീകരിച്ചിട്ടുള്ളത്.
ക്രിമിനല് കേസുകളിൽ ഉള്പ്പെട്ടിട്ടുള്ള എല്ലാ ഉദ്യോഗസ്ഥര്ക്കെതിരെയും കേസ് രജിസ്റ്റര് ചെയ്ത് ക്രിമിനല് നിയമപ്രകാരമുള്ള നടപടികളും വകുപ്പുതല നടപടികളും സ്വീകരിക്കുന്നുണ്ട്. കുറ്റകൃത്യങ്ങളുടെ ഗൗരവത്തിന്റെ അടിസ്ഥാനത്തില് ശിക്ഷാ നടപടികള് സ്വീകരിച്ചുവരുന്നുണ്ട്. അപ്രകാരം നടപടിക്രമങ്ങള് പൂര്ത്തിയാക്കി കഴിഞ്ഞ 8 വര്ഷത്തിനുള്ളില് 108 ഉദ്യോഗസ്ഥരെ സര്വ്വീസില്നിന്നും നീക്കം ചെയ്തിട്ടുണ്ട്.
വിവിധ ശ്രേണിയിലുള്ള ഉദ്യോഗസ്ഥര്ക്കെതിരെയുള്ള നടപടികള് തുടര്ന്നുവരുന്നതായും മുഖ്യമന്ത്രി പറഞ്ഞു. അന്വര് സാദത്തിന്റെ ശ്രദ്ധക്ഷണിക്കലിന് മുഖ്യമന്ത്രിക്ക് വേണ്ടി മന്ത്രി വീണ ജോർജ് മറുപടി നൽകി.
English Summary:
CM will not tolerate criminals in Kerala Police
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.