ബലാത്സംഗക്കേസിൽ അറസ്റ്റിലായ രാഹുൽ മാങ്കൂട്ടത്തിലിനെ പിന്തുണയ്ക്കുകയും തന്നെ അധിക്ഷേപിക്കുകയും ചെയ്ത പത്തനംതിട്ട ജില്ലാ പഞ്ചായത്ത് അംഗം ശ്രീനാദേവി കുഞ്ഞമ്മയ്ക്കെതിരെ പരാതിയുമായി അതിജീവിത. തന്റെ വ്യക്തിത്വം വെളിപ്പെടുത്തുന്ന രീതിയിൽ സംസാരിക്കുകയും സാക്ഷികളെ ഭീഷണിപ്പെടുത്തുകയും ചെയ്ത ശ്രീനാദേവിക്കെതിരെ ഉടൻ എഫ് ഐ ആർ രജിസ്റ്റർ ചെയ്യണമെന്ന് ആവശ്യപ്പെട്ട് അതിജീവിത പൊലീസിനെ സമീപിച്ചു.
ഫേസ്ബുക്ക് ലൈവിലൂടെയാണ് ശ്രീനാദേവി രാഹുൽ മാങ്കൂട്ടത്തിലിന് പിന്തുണ അറിയിച്ചത്. എം എൽ എയ്ക്കെതിരെ ഉയർന്ന പരാതികളിൽ സംശയമുണ്ടെന്നും പീഡന ആരോപണം നിലനിൽക്കില്ലെന്നും അവർ വീഡിയോയിൽ പറഞ്ഞിരുന്നു. ഈ നിലപാടിനെതിരെയാണ് അതിജീവിത രംഗത്തെത്തിയത്. സൈബർ സെൽ അന്വേഷണം വേണമെന്നും തനിക്ക് പൊലീസ് സംരക്ഷണം നൽകണമെന്നും പരാതിയിൽ ആവശ്യപ്പെടുന്നുണ്ട്. സത്യം പറയാൻ ധൈര്യപ്പെടുന്ന സ്ത്രീകളെ സംരക്ഷിക്കാൻ കേരള പൊലീസ് തയ്യാറാകുമെന്ന് വിശ്വസിക്കുന്നുവെന്നും അതിജീവിത വ്യക്തമാക്കി.
പരാതിയുടെ പൂർണരൂപം:
‘ഒരു സ്ത്രീക്ക്, പ്രത്യേകിച്ച് തെരഞ്ഞെടുക്കപ്പെട്ട സ്ത്രീക്ക്, ബലാത്സംഗത്തിന് ഇരയായ ഒരു സ്ത്രീയെ സമൂഹമാധ്യമത്തിന് മുന്നില് വിചാരണ ചെയ്യാന് അവകാശമില്ല. ആര്. ശ്രീനാദേവി കുഞ്ഞമ്മയ്ക്കെതിരെ ഉടന് എഫ്ഐആര് രജിസ്റ്റര് ചെയ്യണമെന്ന് ഞാന് താഴ്മയായി അഭ്യര്ത്ഥിക്കുന്നു. അവരുടെ ഫേസ്ബുക്ക് വീഡിയോ പിന്വലിക്കുകയും ഫൊറന്സിക് പരിശോധനയ്ക്ക് അയക്കുകയും വേണം. അതിജീവിതയെ അധിക്ഷേപിച്ചതിനും ഐഡന്റിറ്റി വെളിപ്പെടുത്തിയതിനും സാക്ഷികളെ ഭീഷണിപ്പെടുത്തുന്നതിനുമെതിരെ സൈബര് സെല് അന്വേഷണവും നിയമനടപടിയും വേണം.
എന്റെ സുരക്ഷയ്ക്കായി പൊലീസ് സംരക്ഷണം വേണം. എന്നെ മാത്രമല്ല, സത്യം പറയാന് ധൈര്യപ്പെടുന്ന ഓരോ സ്ത്രീയെയും സംരക്ഷിക്കുനന്തില് ഞാന് കേരള പൊലീസില് വിശ്വസിക്കുന്നു’.
വിശ്വസ്തതയോടെ
അതിജീവിത
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.