കൊച്ചി വൈപ്പിനിലെ ഹോട്ടലില് പൊറോട്ടയ്ക്കൊപ്പം സൗജന്യ ഗ്രേവി നല്കാത്തതിനെ ചൊല്ലി സംഘര്ഷം. ഹോട്ടല് ഉടമയ്ക്കും ഭാര്യക്കും പരിക്കേറ്റു. ഇവരുടെ പരാതിയില് പൊലീസ് കേസെടുക്കുകയും ചെയ്തു. എടവനക്കാട് അണിയല് മാര്ക്കറ്റില് ഹോട്ടല് നടത്തുന്ന സുബൈര്, ഭാര്യ ജുമൈലത്ത് എന്നിവരാണ് മര്ദനമേറ്റത്.
ഞായറാഴ്ച വൈകിട്ട് ഏഴു മണിയോടയാണ് സംഭവം. ഹോട്ടലില് നിന്നു പൊറോട്ട വാങ്ങിയ സമീപവാസിയായ ജിബി എന്ന യുവാവ് ഗ്രേവി ആവശ്യപ്പെട്ടു. എന്നാല് ഗ്രേവിക്ക് 20 രൂപ നല്കണമെന്ന് ജുമൈലത്ത് പറഞ്ഞതോടെ തര്ക്കം ആരംഭിച്ചത്. ഇതിനു പിന്നാലെ സുബൈറും പ്രതികരിച്ചതോടെ പ്രശ്നം വഷളായി. കഴിഞ്ഞ ദിവസം തന്ന പൊറോട്ട പഴകിയതാണെന്നു യുവാവ് പറഞ്ഞു. ഇതിനെ ഹോട്ടലുടമകള് എതിര്ക്കുകും ചെയ്തു. ഒടുവില് തര്ക്കം സംഘര്ഷത്തിനു വഴിമാറി.
തല്ലാന് ശ്രമിച്ചപ്പോള് ഭര്ത്താവ് തടഞ്ഞെന്നും പിടിച്ചു മാറ്റാന് ശ്രമിച്ചപ്പോള് തന്റെ കയ്യില് ഇടികൊണ്ടെന്നുമാണ് പരാതിക്കാരി പൊലീസിനു നല്കിയ മൊഴി. ഭര്ത്താവിനെ കടയില് നിന്നു പുറത്തേക്കു വലിച്ചിട്ട് കൈയില് സൂക്ഷിച്ചിരുന്ന വസ്തു കൊണ്ട് പുരികത്തില് കുത്തിയെന്നും ശരീരത്തിന്റെ പല ഭാഗത്തും മര്ദിച്ചെന്നും പരാതിയില് പറയുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.