വിവാദമായ തീവ്ര വോട്ടര്പട്ടിക പരിഷ്കരണം കേരളത്തിലും നടപ്പാക്കാനൊരുങ്ങുന്നു. 2002ലെ പട്ടിക അടിസ്ഥാന രേഖയായി കണക്കാക്കിയാണ് വോട്ടർ പട്ടിക പരിഷ്ക്കരണം. പരിഷ്കരണം നവംബർ മുതൽ തുടങ്ങും. കേരളത്തിനൊപ്പം തമിഴ്നാട്ടിലും പുതുച്ചേരിയിലും എസ്ഐആർ തുടങ്ങും. 2026ൽ നിയമസഭാ തെരഞ്ഞെടുപ്പ് നടക്കുന്ന സംസ്ഥാനങ്ങളിൽ ആദ്യം എസ്ഐആർ നടപ്പാക്കിത്തുടങ്ങുമെന്ന് നേരത്തേ കേന്ദ്ര തെരഞ്ഞെടുപ്പ് കമ്മിഷൻ വ്യക്തമാക്കിയിരുന്നു.
2002 ലാണ് കേരളത്തില് അവസാനമായി തീവ്ര വോട്ടര് പട്ടിക പരിഷ്ക്കരണം നടന്നത്. പട്ടിക പരിഷ്കരണത്തിനുള്ള ഷെഡ്യൂള് ഉടന് തയ്യാറാകും. അടുത്ത ദിവസങ്ങളില് സമയക്രമം പ്രഖ്യാപിക്കും. ബിഹാര് മാതൃകയിലുള്ള എസ്ഐആറിനെ കേരളം നേരത്തെ എതിര്ത്തിരുന്നു. നിയമസഭ പ്രമേയവും പാസ്സാക്കി. എതിര്പ്പുകള്ക്കിടിലും എസ്ഐ ആറുമായി കേന്ദ്ര തെരഞ്ഞടുപ്പ് കമ്മിഷന് മുന്നോട്ടുപോവുകയാണ്. രാഷ്ട്രീയ പാര്ട്ടികളുടെ വിയോജിപ്പ് ചൂണ്ടിക്കാട്ടി മുഖ്യ തെരഞ്ഞെടുപ്പ് ഉദ്യോഗസ്ഥന് രത്തന് ഖേല്ക്കര് നേരത്തെ തെരഞ്ഞെടുപ്പ് കമ്മിഷന് കത്ത് നല്കിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.