സംസ്ഥാനത്ത് കോവിഡ് കേസുകള് വര്ധിച്ചുവരുന്ന സാഹചര്യത്തില് ആരോഗ്യ വകുപ്പ് മാര്ഗനിര്ദേശങ്ങള് പുറപ്പെടുവിച്ചു. കഴിഞ്ഞ ദിവസം ചേര്ന്ന അവലോകന യോഗത്തിന്റെ അടിസ്ഥാനത്തിലാണ് മാര്ഗനിര്ദേശം.
സര്ക്കാര്, സ്വകാര്യ ആശുപത്രികള് കോവിഡ് രോഗികള്ക്കായി പ്രത്യേക കിടക്കകള് സജ്ജമാക്കണം. ചികിത്സയിലുള്ളന്ന രോഗിക്ക് കോവിഡ് സ്ഥിരീകരിച്ചാല് അതേ ആശുപത്രിയില് തന്നെ ചികിത്സ ഉറപ്പ് വരുത്തണം. കോവിഡ് പോസിറ്റീവ് ആകുന്നവരുടെ സാമ്പിളുകള് നിലവിലുള്ള മാനദണ്ഡങ്ങളനുസരിച്ച് എല്ലാ ജില്ലയില് നിന്നും ഡബ്ല്യുജിഎസ് പരിശോധനയ്ക്ക് അയക്കണമെന്നും മാര്ഗനിര്ദേശത്തില് പറയുന്നു.
ജില്ലാ സര്വയലന്സ് ഓഫിസര്മാര് ഇക്കാര്യങ്ങള് ഉറപ്പ് വരുത്തേണ്ടതാണെന്ന് ആരോഗ്യമന്ത്രി വീണാ ജോര്ജ് നിര്ദേശിച്ചു. 60 വയസിന് മുകളില് പ്രായമുള്ളവര്, പ്രമേഹം, രക്താതിമര്ദം, കാന്സര്, ഹൃദ്രോഗം, വൃക്കരോഗം തുടങ്ങിയ അസുഖമുള്ളവര് കോവിഡ്, ഇന്ഫ്ളുവന്സാ രോഗലക്ഷണമുണ്ടെങ്കില് നിര്ബന്ധമായും ആര്ടിപിസിആര് പരിശോധന നടത്തുകയും മാനദണ്ഡങ്ങള്ക്കനുസരിച്ച് ചികിത്സ ലഭ്യമാക്കുകയും വേണം. ഇന്ഫ്ളുവന്സ രോഗലക്ഷണങ്ങളുള്ള ഗര്ഭിണികളെ കണ്ടെത്താന് ആശാ പ്രവര്ത്തകര്, ഫീല്ഡ് ജീവനക്കാര് മുഖേന പ്രവര്ത്തനം ശക്തിപ്പെടുത്തണം. രോഗലക്ഷണങ്ങള് ഉണ്ടെങ്കില് കോവിഡ് പരിശോധന നടത്തണം.
കോവിഡ് വാക്സിന് രണ്ട് ഡോസും മുന്കരുതല് ഡോസും എടുക്കുന്നതിന്റെ ആവശ്യകതയെപ്പറ്റി അവബോധം നടത്തണം. പ്രമേഹം, രക്തസമ്മര്ദം മുതലായ ജീവിതശൈലി രോഗങ്ങളുള്ളവരും മറ്റ് ഗുരുതര രോഗങ്ങളുള്ളവരും 60 വയസിന് മുകളില് പ്രായമുള്ളവരും ഗര്ഭിണികളും, കുട്ടികളും, അമിത വണ്ണമുള്ളവരും കോവിഡ് രോഗം വരാതിരിക്കുന്നതിനുള്ള പ്രത്യേകമായ മുന്കരുതല് നടപടികള് സ്വീകരിക്കണം. ഇവര്ക്ക് കോവിഡ് രോഗലക്ഷണമുണ്ടെങ്കില് അടിയന്തര ചികിത്സ തേടേണ്ടതാണ്.
കിടപ്പ് രോഗികള്ക്കും സാന്ത്വന പരിചരണത്തിലുള്ള രോഗികള്ക്കും കോവിഡ് വരാതിരിക്കുന്നതിനുള്ള മുന്കരുതല് നടപടികള് സ്വീകരിക്കണം, കോവിഡ് ബാധിച്ച് ചികിത്സ ആവശ്യമുള്ള ഒരു രോഗിക്കും ചികിത്സ ലഭ്യമാകാത്ത സാഹചര്യം ഉണ്ടാകരുത്. കിടത്തിച്ചികിത്സ ആവശ്യമുള്ളവര്ക്കായി എല്ലാ സര്ക്കാര്, സ്വകാര്യ ആശുപത്രികളിലും നിശ്ചിത എണ്ണം കിടക്കകള് പ്രത്യേകമായി മാറ്റിവയ്ക്കണം. മേല്പ്പറഞ്ഞ പ്രകാരമുള്ള സൗകര്യങ്ങള് സര്ക്കാര്/ സ്വകാര്യ ആശുപത്രികളില് ഒരുക്കുന്നുണ്ടെന്നും രോഗികള്ക്ക് ചികിത്സ ലഭ്യമാകുന്നുണ്ടെന്നും ജില്ലാ മെഡിക്കല് ഓഫീസര്മാര് ഉറപ്പ് വരുത്തണമെന്നും നിര്ദേശിച്ചിട്ടുണ്ട്.
മാസ്ക് നിര്ബന്ധം
പ്രമേഹം, രക്താതിമര്ദം, കാന്സര്, ഹൃദ്രോഗം, വൃക്കരോഗം, ശ്വാസകോശ രോഗമുള്ളവര് തുടങ്ങി മറ്റ് അസുഖങ്ങളുള്ളവര്, ഗര്ഭിണികള്, കുട്ടികള്, പ്രായമായവര് എന്നിവര് പൊതുസ്ഥലങ്ങളിലും ആശുപത്രികളിലും നിര്ബന്ധമായും മാസ്ക് ധരിക്കണമെന്ന് കോവിഡ് മാര്ഗനിര്ദേശത്തില് പറയുന്നു. ആശുപത്രിക്കുള്ളില് ആരോഗ്യ പ്രവര്ത്തകരും ആശുപത്രിയില് എത്തുന്ന രോഗികളും കൂട്ടിരിപ്പുകാരും നിര്ബന്ധമായും മാസ്ക് ധരിക്കണം. എല്ലാ ജില്ലാ മെഡിക്കല് ഓഫിസര്മാരും ഉറപ്പുവരുത്തേണ്ടതാണെന്നും മാര്ഗനിര്ദേശത്തില് പറയുന്നു.
English Summary: kerala covid guidelines mask must for life style
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.