ബിജെപി ഹഠാവോ, ദേശ് ബച്ചാവോ എന്ന മുദ്രാവാക്യവുമായി സിപിഐ ദേശീയ പ്രക്ഷോഭത്തിന്റെ ഭാഗമായുള്ള ജാഥകള്ക്ക് വിപ്ലവവീര്യമുറങ്ങുന്ന ഉത്തരകേരളത്തില് ഗംഭീര മുന്നേറ്റം. നിപ ഭീതിയില് പൊതുപരിപാടികള് മാറ്റിയതിനാല് കോഴിക്കോട് ജില്ലയിലെ കാല്നടജാഥകള് നടന്നില്ല. വയനാട് ജില്ലയില് 25 ലോക്കലുകളില് 20 എണ്ണത്തിലെ ജാഥകള് പൂര്ത്തിയായി. കാസർകോട് ജില്ലയിൽ ആറ് മണ്ഡലം കമ്മറ്റികൾക്ക് കീഴിൽ 36 ജാഥകളാണ് നടന്നത്. കണ്ണൂർ ജില്ലയിലെ 72 പദയാത്രകളില് ഭൂരിഭാഗവും പൂർത്തിയായി.
എല്ലാ പാർട്ടി പ്രവർത്തകരും ഘടകങ്ങളും ക്യാമ്പയിന് ഏറ്റെടുത്തു. യുവജനങ്ങളും സ്ത്രീകളുൾപ്പെടെയുള്ളവരുടെ പങ്കാളിത്തം എടുത്തു പറയേണ്ടതാണ്. മലപ്പുറത്ത് സിപിഐ ലോക്കൽ കമ്മിറ്റികളുടെ നേതൃത്വത്തിൽ നടന്ന പ്രാദേശിക കാൽനട ജാഥക്ക് ആവേശകരമായ സ്വീകരണമാണ് ലഭിച്ചത്.
പഞ്ചായത്ത് മുൻസിപ്പൽ തലങ്ങളിലും നിരവധി സ്വീകരണ കേന്ദ്രങ്ങളിലൂടെ ഉൾനാടുകളിലേക്ക് ഇറങ്ങിച്ചെല്ലാൻ ജാഥക്ക് സാധിച്ചു. സ്ത്രീകളടക്കം നിരവധിപേരാണ് ജാഥയിൽ പങ്കാളിയായത്. പാലക്കാട് ജില്ലാ കമ്മിറ്റിയുടെ നേതൃത്വത്തിൽ 50 എൽസികളിലെ കാൽനട ജാഥകള് പൂർത്തിയായി. 15 ലോക്കൽ കമ്മിറ്റികളിലെ ജാഥകള് ഈ ആഴ്ച നടക്കുമെന്ന് ജില്ലാ സെക്രട്ടറി കെ പി സുരേഷ് രാജ് അറിയിച്ചു.
English Summary: cpi march
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.