കൊല്ക്കത്തയില് ട്രോളി ബാഗില് മൃതദേഹവുമായി എത്തിയ രണ്ട് സ്ത്രീകള് പിടിയില്. മൃതദേഹം കഷ്ണങ്ങളാക്കിയ നിലയിലായിരുന്നു. മൃതദേഹം നദിയില് ഉപേക്ഷിക്കാന് എത്തിയ ഇവരെ ഹൂഗ്ലി നദിക്ക് സമീപത്ത് നിന്ന് നാട്ടുകാരാണ് പിടികൂടിയത്. പുലര്ച്ചെ കുമാര്തുലി ഘട്ടിന് സമീപം രണ്ട് സ്ത്രീകള് ഭാരമേറിയ ട്രോളി ബാഗ് വലിച്ചുകൊണ്ടുപോകുന്നത് കണ്ടപ്പോള് സംശയം തോന്നിയതായി പ്രദേശവാസികള് പറഞ്ഞു. തുടര്ന്ന് ചോദിച്ചപ്പോള് വളര്ത്തുനായയുടെ മൃതദേഹം ആണെന്നാണ് അവര് അവകാശപ്പെട്ടത്. സ്ത്രീകള് തങ്ങളെ അമ്മയും മകളുമാണെന്ന് പരിചയപ്പെടുത്തിയതായും നാട്ടുകാര് പറഞ്ഞു. പിന്നീട് ട്രോളി ബാഗ് തുറന്നപ്പോള് അതിനുള്ളില് കഷണങ്ങളായി മുറിച്ച നിലയില് മൃതദേഹം കണ്ടെത്തുകയായിരുന്നു. പൊലീസ് സ്ഥലത്തെത്തി രണ്ട് സ്ത്രീകളെയും കസ്റ്റഡിയിലെടുത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.