മികച്ച ബാറ്റിങ് പുറത്തെടുക്കുന്നതിന് മുന്പ് തന്നെ സഞ്ജു സാംസണ് പുറത്തായി. ന്യൂസിലന്ഡിനെതിരായ അഞ്ചാം ടി20യില് സഞ്ജു 6 പന്തില് 6 റണ്സുമായി മടങ്ങിയത്. തുടരെ അഞ്ചാം മത്സരത്തിലും താരത്തിനു ഫോമിലേക്ക് മടങ്ങിയെത്താൻ സാധിച്ചില്ല. സ്വന്തം നാട്ടിലെ സ്റ്റേഡിയമായ ഗ്രീൻഫീൽഡിലും താരം ഒരിക്കൽ കൂടി ബാറ്റിങിൽ പരാജയപ്പെടുകയായിരുന്നു. ഫോറടിച്ച് മികച്ച രീതിയില് മുന്നോട്ടു പോകുന്നതിനിടെ ലോക്കി ഫെര്ഗൂസന്റെ പന്തില് സിക്സിനു ശ്രമിച്ചപ്പോഴായിരുന്നു സഞ്ജുവിന്റെ വിക്കറ്റ് നഷ്ടമായത്. ലോക്കി ഫെര്ഗൂസന്റെ പന്തില് ബെവോണ് ജേക്കബ്സിനു ക്യാച്ച് നല്കിയാണ് താരം പുറത്തായത്.
സഞ്ജുവിനു തോട്ട് പിന്നാലെ അഭിഷേക് ശര്മയും മടങ്ങി. മികച്ച തുടക്കമാണ് അഭിഷേകും ടീം ഇന്ത്യക്കു നല്കിയത്. 16 പന്തില് 2 സിക്സും 4 ഫോറും സഹിതം അഭിഷേക് 30 റണ്സ് അടിച്ചെടുത്താണ് പവലിയനിലേക്ക് മടങ്ങിയത്. ആദ്യം ടോസ് നേടി ഇന്ത്യ ബാറ്റ് ചെയ്യാന് തീരുമാനിക്കുകയായിരുന്നു. കഴിഞ്ഞ മത്സരത്തില് പുറത്തിരുന്ന വരുണ് ചക്രവര്ത്തി, അക്ഷര് പട്ടേല്, ഇഷാൻ കിഷൻ എന്നിവര് ഇന്ത്യന് ഇലവനില് തിരിച്ചെത്തി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.