കോഴിക്കോട് ഒമ്പതാം ക്ലാസുകാരിയെ ലഹരി കാരിയറാക്കിയിന് പിന്നില് വൻ റാക്കറ്റെന്ന് അന്വേഷണ സംഘം. സംഭവത്തില് 10 പേർക്കെതിരെ കേസെടുത്തു. ഒരാൾ പെൺകുട്ടിയുടെ അയൽവാസിയാണ്. പെൺകുട്ടിയെക്കൂടാതെ നാല് വിദ്യാർഥിനികൾക്കൂടി ലഹരി ഉപയോഗിച്ചിരുന്നതായും കണ്ടെത്തി. ഇൻസ്റ്റഗ്രാം വഴിയായിരുന്നു ഇടപാടുകൾ. 25 പേര് അടങ്ങുന്ന ഇന്സ്റ്റഗ്രാം ഗ്രൂപ്പ് വഴിയാണ് ലഹരി കൈമാറ്റമെന്നും പൊലീസ് കണ്ടെത്തി.
വടകര അഴിയൂരിലെ പ്രമുഖ സ്കൂളിലെ എട്ടാം ക്ലാസില് പഠിക്കുന്ന പെണ്കുട്ടിയെയാണ് പ്രതികള് ലഹരി കാരിയറാക്കിയത്. കബഡി കളിക്കിടെ നിരഞ്ജന എന്ന് പേരുളള ഒരു പെണ്കുട്ടി നല്കിയ ബിസ്കറ്റിലൂടെയായിരുന്നു ലഹരിയുടെ കെണിയില് പെണ്കുട്ടി പെടുന്നത്. പിന്നീട് അദ്നാന് എന്ന യുവാവുമെത്തി. ബിസ്കറ്റില് തുടങ്ങി, പിന്നീട് പൊടിരൂപത്തില് മൂക്കില് വലിപ്പിച്ചു, കൂടുതല് ശ്രദ്ധയും ഉന്മേഷവും കിട്ടുമെന്ന് വിശ്വസിപ്പിച്ച് കൈത്തണ്ടയില് ഇഞ്ചക്ഷനുകളായും ലഹരി ശരീരത്തില് എത്തിച്ചു.ഒടുവില് എംഡിഎംഎ എന്ന രാസ ലഹരിയുടെ കെണയിലായതോടെ താന് ഉള്പ്പടെയുള്ള മൂന്ന് പെണ്കുട്ടികള് സ്കൂള് യൂണിഫോമില് ലഹരി കൈമാറാനായി തലശേരിയില് പോയെന്നാണ് 13 കാരിയായ പെണ്കുട്ടി പൊലീസിന് നല്കിയ മൊഴിയില് പറയുന്നത്.
English Summary: drug mafia case police take case over eight class girl used drug carrier
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.