മദ്യപിച്ചെത്തി അമ്മയെ മര്ദ്ദിച്ച പിതാവിനെ മകന് കുത്തിക്കൊന്നു. ബിഹാറിലെ മുൻഗർ ജില്ലയിലാണ് റെയിൽവേ ജീവനക്കാരനായ അനിൽകുമാർ മണ്ഡൽ (58) കൊല്ലപ്പെട്ടത്. ഭാര്യ റീതാ ദേവിക്കും മകന് അർണാബ് മേത്തയ്ക്കുമൊപ്പമാണ് അനിൽകുമാറിന്റെ താമസം. മദ്യലഹരിയിൽ അനില്കുമാര് പലപ്പോഴും ഭാര്യയെ മർദിക്കുമായിരുന്നു. വെള്ളിയാഴ്ച രാത്രി മദ്യലഹരിയിലായിരുന്ന ഇയാൾ വീണ്ടും വഴക്കുണ്ടാക്കുകയും ഭാര്യ ശാരീരികമായി ഉപദ്രവിക്കുകയും ചെയ്തു. കത്തികൊണ്ട് മകന് 15 തവണയാണ് പിതാവിനെ കുത്തിയതെന്ന് പൊലീസ് പറഞ്ഞു.
സംഭവവുമായി ബന്ധപ്പെട്ട് അർണബ് മേത്തയെയും അമ്മയെയും പൊലീസ് അറസ്റ്റ് ചെയ്തു. അതേസമയം അനിലും ഭാര്യയും തമ്മിൽ വീട്ടിൽ വഴക്ക് പതിവായിരുന്നുവെന്ന് അനിലിന്റെ സഹോദരൻ സുനിൽ മണ്ഡല് പറഞ്ഞു. കഴുത്തിലും നെഞ്ചിലും ശരീരത്തിലും കത്തികൊണ്ട് പല തവണ കുത്തിയിരുന്നു. അനിലിനെ ഉടൻ തന്നെ പ്രാദേശിക ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. അനിലിന്റെ മൃതദേഹം പോസ്റ്റ്മോർട്ടത്തിന് അയച്ചതായി പൊലീസ് പറഞ്ഞു.
English Summary; Drunk assault; Son stabs father to death
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.