കിഴക്കൻ നേപ്പാളിലെ കോഷി പ്രവിശ്യയിലെ ശംഖുവാസഭ ജില്ലയിൽ ഭൂചലനം അനുഭവപ്പെട്ടു. റിക്ടർ സ്കെയിലിൽ 4.3 തീവ്രത രേഖപ്പെടുത്തിയ ഭൂചലനത്തിൽ കാര്യമായ നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല. കാഠ്മണ്ഡുവിൽ നിന്ന് 225 കിലോമീറ്റർ കിഴക്കായി ടിബറ്റ് അതിർത്തിക്കടുത്തുള്ള കിമാതങ്ക പ്രദേശത്തിന് ചുറ്റുമാണ് ഭൂചലനത്തിൻ്റെ പ്രഭവകേന്ദ്രം. ഇന്ന് രാവിലെ 7.32നായിരുന്നു ഭൂകമ്പമുണ്ടായതെന്ന് ദേശീയ ഭൂകമ്പ നിരീക്ഷണ ഗവേഷണ കേന്ദ്രം അറിയിച്ചു. ശംഖുവാസഭ ജില്ലയ്ക്ക് പുറമെ സമീപ പ്രദേശങ്ങളായ തപ്ലെജംഗ്, ഭോജ്പൂർ, സോലുഖുംബു ജില്ലകളിലും ഭൂചലനം അനുഭവപ്പെട്ടു. വർഷത്തിൽ ഒന്നിലധികം ഭൂകമ്പങ്ങൾ അനുഭവപ്പെടുന്നതും സജീവമായതുമായ ടെക്റ്റോണിക് മേഖലകളിലൊന്നിലാണ് നേപ്പാൾ സ്ഥിതി ചെയ്യുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.