രാജസ്ഥാനിൽ കോൺഗ്രസ് നേതാക്കളുടെ വീടുകളിൽ ഇഡി റെയ്ഡ്. തെരഞ്ഞെടുപ്പ് നടക്കാനിരിക്കുന്ന ഘട്ടത്തിലാണ് രാജസ്ഥാൻ കോൺഗ്രസ് അധ്യക്ഷൻ ഗോവിന്ദ് സിങ് ദൊത്താശ്രയുടെ വസതിയിലുള്പ്പെടെ ഇഡി റെയ്ഡ്. നിയമന പരീക്ഷയുടെ ചോദ്യപേപ്പർ ചോർച്ച വിവാദത്തെത്തുടർന്നാണ് റെയ്ഡ്. കോൺഗ്രസ് അധ്യക്ഷന്റെ വസതിക്കുപുറമേ, മഹുവയിൽനിന്നുള്ള സ്ഥാനാർഥി ഓം പ്രകാശ് ഹഡ്ലയുടെ വീട്ടിലും പരിശോധന നടക്കുകയാണ്. ഇതിനു പുറമെ മറ്റ് ആറിടങ്ങളിലും പരിശോധന നടക്കുന്നതായാണ് വിവരം. രാജസ്ഥാനിലെ മുൻ വിദ്യാഭ്യാസ മന്ത്രി കൂടിയാണ് ദൊത്താശ്ര.
രാജസ്ഥാന് മുഖ്യമന്ത്രി അശോക് ഗെഹ്ലോട്ടിന്റെ മകനും ഇഡി സമന്സ് നൽകി. വിദേശനാണ്യ വിനിമയ നിയമം ലംഘിച്ചു എന്നാരോപിച്ചുള്ള കേസിലാണ് മുഖ്യമന്ത്രിയുടെ മകൻ വൈഭവ് ഗെഹ്ലോട്ടിനെ ഇഡി ചോദ്യം ചെയ്യാന് വിളിപ്പിച്ചത്. വെള്ളിയാഴ്ച ജയ്പൂരിലെയോ ന്യൂഡല്ഹിയിലെയോ ഇഡി ഓഫീസില് ഹാജരാകാനാണ് നോട്ടീസില് ആവശ്യപ്പെട്ടത്. രാജസ്ഥാനില് നവംബര് 25 നാണ് നിയമസഭ തെരഞ്ഞെടുപ്പ്.
English Summary: ED raids houses of Congress leaders in Rajasthan
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.