എഐഎഡിഎംകെ സംസ്ഥാനത്ത് ബിജെപിയെയോ, ബിജെപി ബന്ധമുള്ളവരെയോ തെരഞ്ഞെടുപ്പില്‍ പിന്തുണയ്ക്കില്ലെന്ന് മുന്‍ മുഖ്യമന്ത്രിയും പാര്‍ട്ടി നേതാവുമായ എടപ്പാടി പളനിസ്വാമി പറഞ്ഞു. ബിജെപിയുമായി ഇനി ഒരിക്കലും ബന്ധമുണ്ടാകില്ലെന്നുൂം എസ്ഡിപിഐയുടെ ഒരു യോഗത്തില്‍ മുഖ്യാതിഥിയായി പങ്കെടുത്ത് അഭിപ്രായപ്പെട്ടു. അയോധ്യയിലേക്ക് പോകുമോ എന്ന കാര്യത്തില്‍ നിലപാട് അദ്ദേഹം വ്യക്തമാക്കിയതുമില്ല.
സംസ്ഥാനത്ത് ആറു ശതമാനത്തോളം മുസ്ലീം വോട്ടുകളാണുള്ളത്. ഈ വോട്ടുകള്‍ക്ക് നിരവധി മണ്ഡലങ്ങളിലെ തെരഞ്ഞെടുപ്പ് ഫലങ്ങളില്‍ നിര്‍ണായകവുമാണ്. ഈ വോട്ടുകള്‍ ഏകീകരിച്ചതാണ് കഴിഞ്ഞതവണ ഡിഎംകെ സഖ്യത്തിന്റെ വിജയത്തിന് കാരണവും. ഇതോടെ നഷ്ടപ്പെട്ട മുസ്ലീം വോട്ടുകള്‍ തിരിച്ചുപിടിക്കാനുള്ള ശ്രമത്തിലാണ് എഐഎഡിഎംകെ. എസ്ഡിപിഐ വേദിയില്‍ പ്രസംഗിക്കവേ വെല്ലൂരില്‍ എസ്ഡിപിഐ നിര്‍ദേശിക്കുന്നയാളെ സ്ഥാനാര്‍ത്ഥിയാക്കുമെന്നും പളനിസ്വാമി പ്രഖ്യാപിച്ചിട്ടുണ്ട്.
അതേസമയം എഐഎഡിഎംകെയുടെ ഇപ്പോഴത്തെ നിലപാടില്‍ വ്യക്തയില്ലെന്നും ജയിച്ചാല്‍ ഇവര്‍ ആര്‍ക്കൊപ്പമായിരിക്കുമെന്ന ചോദ്യമാണ് ഇതിന് പിന്നാലെ മുസ്ലീം ലീഗ് ഉയര്‍ത്തിയത്. മുസ്ലീം ലീഗ് ദേശീയ അധ്യക്ഷന്‍ കെഎം ഖാദര്‍ തന്നെ ഈ സംശയം പറയുകയും ചെയ്തു.
English Summary:
Edappadi Palaniswami will not have any relation with BJP anymore
You may also like this video:
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.