എലത്തൂർ ട്രെയിൻ തീവയ്പ് കേസ് എൻഐഎക്ക് വിട്ടുകൊണ്ട് സംസ്ഥാന പൊലീസ് മേധാവി ഉത്തരവിറക്കി. കേസ് ഡയറി, അനുബന്ധരേഖകൾ, തൊണ്ടി സാധനങ്ങൾ എന്നിവ ഉടനടി എൻഐഎക്ക് കൈമാറാനാണ് നിർദേശം. കേസില് യുഎപിഎ ചുമത്തിയതോടെയാണ് എന്ഐഎ അന്വേഷണം ആരംഭിച്ചത്. പ്രത്യേക അന്വേഷണ സംഘം അന്വേഷണം തുടങ്ങിയ ഘട്ടത്തിൽതന്നെ എൻഐഎ ഉൾപ്പെടെയുളള കേന്ദ്ര ഏജൻസികൾ കേസുമായി ബന്ധപ്പെട്ട് വിവരശേഖരണം തുടങ്ങിയിരുന്നു.
ട്രെയിൻ തീവയ്പ് നടന്ന ദിവസമായ ഏപ്രിൽ രണ്ടിനു ശേഷം ഷാറൂഖ് സെയ്ഫി നടത്തിയ നീക്കങ്ങളാണ് എൻഐഎ പരിശോധിച്ചു വരുന്നത്. പ്രതിയുടെ കഴിഞ്ഞ 10 വർഷത്തെ ജീവിതം, പഠനം, തൊഴിൽ എന്നിവ സംബന്ധിച്ചും പരിശോധന നടക്കുന്നുണ്ട്. നിലവിൽ ആദ്യം അന്വേഷണം നടത്തിയ പൊലീസിന് ഷാറൂഖ് നൽകിയ മൊഴി കളവാണെന്നാണ് ദേശീയ അന്വേഷണ ഏജൻസിയുടെ പ്രാഥമിക നിഗമനം.
English Summary;The Elathur train case was handed over to the NIA and an order was issued
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.